Носир Саидов, директори телевизиони “Сафина” зимни нишасти матбуотӣ чунин иброз дошт: “Соли 2018, ки дар Паёми Пешвои миллат Соли рушди сайёҳӣ ва ҳунарҳои мардумӣ эълон шудааст, мо дар нақша гирифтаем, ки бештар мавзӯъҳоеро пайгирӣ намоем, ки барои муаррифии мавзеъҳои сайёҳии ҷумҳурӣ ва тарғибу ташвиқи ҳунарҳои миллӣ нигаронида шуда бошанд ва дар ин самт силсилабарномаҳоро таҳия ва пешниҳоди бинандагон гардонем.”

Зикр гардид, ки тибқи нақшаи пешбинишуда бояд ҳамарӯза дар барномаи иттилооти “Навид” як гузориш аз ноҳияҳои кишвар дар мавзӯи ҳунарҳои мардумӣ пахш шавад.

- Соли рушди сайёҳӣ ва ҳунарҳои мардумӣ яке аз лоиҳаҳое, ки онро омӯхта истодаем, ин ба тамоми ҷумҳурӣ сафар намудани кормандони мо баҳри нишон додани анъанаҳои миллӣ, ба монанди сурудхонӣ, фолклор, шашмақом, нақшхонӣ, қиссахонӣ, либосҳои миллӣ ва ғайраҳо мебошад, - гуфт дар поёни нишаст Н. Саидов.