18 май дар Осорхонаи миллии Тоҷикистон “Шабе дар осорхона” баргузор мегардад. Ин чорабини бахшида ба Рӯзи ҷаҳонии осорхонаҳо доир гардида, аз соати 18:00 шуруъ шуда то 23:00 идома меёбад.

Тавре аз Осорхонаи миллии Тоҷикистон иттилоъ медиҳанд имсол дар ин чорабинӣ намоиши 24 барномаи фарҳангӣ дар назар аст. Аз ҷумла баромади ҳунармандони “Сирки давлатӣ”, “Театри лухтак”, экспонати зинда, қаҳрамонҳо аз “Шоҳнома”-и Фирдавсӣ, намоиши либосҳои миллӣ аз минтақаҳои гуногуни кишвар, маҳфили “Шоҳномахонӣ”, дарси устод шогирд: Хушнависӣ, навозиши асбобҳои мусиқии халқӣ, “Ҳафтранг” намоиши ҳунарҳои мардумӣ ва ғайра пешниҳоди тамошобинон мешавад.

Чорабиниҳо дар ҳар ошёна ва толорҳои Осорхонаи миллии Тоҷикистон доир хоҳад шуд.

Ёдовар мешавем, ки шуруъ аз соли 1977 ҳамасола 18 май дар аксари давлатҳо ҳамчун Рӯзи байналмилалии осорхонаҳо таҷлил мегардад. Бахшида ба имрӯз дар зиёда аз 150 кишвари ҷаҳон ҳар гуна чорабиниҳо доир мегардад.

Сайёраи ҚИЁМИДДИН, “ҶТ”