Бахшида ба Рӯзи Ваҳдати миллӣ ва “Соли ҷавонон” шоми 14 майи соли равон дар боғи "Дӯстӣ"-и шаҳри Душанбе барномаи фарҳангии шаҳри Ваҳдат манзури сокинони пойтахт гардонда шуд.

Дар тантанаи идона ҳунармандони ҷавону соҳибистеъдод, ҷавонони фаъол ва волонёрони Бахши ҷавонон, варзиш ва сайёҳии шаҳри Ваҳдат ширкат намуда, бо сурудҳои тозаэҷод бахшида ба 20-солагии Рӯзи Ваҳдати миллӣ ва “Соли ҷавонон” хотири ҳамагонро шод намуданд.

Волонтёрон бошанд, бо истифода аз хизматрасониҳои боғи мазкур бо рақсу бозӣ ба чорабинӣ ҳусни идона зам намуданд. Сокинони пойтахт низ ба ин хурсандиҳо шарик гардида, яке аз завқ мерақсиду дигаре зери лаб суруд замзама мекард. Тамошобинон аз барномаи фарҳангии мардуми шаҳри Ваҳдат як ҷаҳон ғизои маънавӣ ҳосил намуданд.