ИҚТИСОД
Панҷшанбе 30 Июн 2022 08:41
1423
23 август бо ташаббуси Клуби соҳибкорони ҷавони Кумитаи ҷавонон, варзиш ва сайёҳии назди Ҳукумати ҷумҳурӣ дар қаҳвахонаи “Истиқлол” видео-конфронси “Намоишгоҳи молҳои содиротию воридотии бузургтарини Чин” баргузор гардид.

- Ҳадаф аз баргузории конфрос рушди фаъолияти соҳибкорӣ дар Тоҷикистон ва ба роҳ мондани ҳамкориҳои тиҷоратии дуҷониба байни соҳибкорони ватанӣ, аз ҷумла соҳибкорони ҷавон ва соҳибкорони Ҷумҳурии Мардумии Чин мебошад, - гуфт Сулаймон Қурбонов, муовини директори Клуби соҳибкорони ҷавон.

Намоишгоҳи молҳои содиротию воридотии Чин яке аз намоишгоҳҳои калонтарини ҷаҳон буда, дар шаҳри Гуанҷоуи Чин соле ду маротиба дар фаслҳои баҳору тирамоҳ доир мешавад.

Дар намоишгоҳ намояндагони зиёда аз 10 ҳазор ширкатҳои тиҷоратӣ, корхонаҳои саноатӣ, институтҳои илмӣ-тадқиқотӣ, корхонаҳои хориҷӣ ва хусусӣ ширкат меварзанд. Ҳамзамон, соҳибкорон ва тоҷирон аз тамоми гӯшаву канори ҷаҳон ҷамъ омада, мубодилаи иттилоот намуда, ҳамкориҳои дӯстонаи тиҷоратиро ба роҳ мемонанд.

Зикр гардид, ки намоишгоҳи мазкур аз соли 1957 то имрӯз дар сатҳи баланд баргузор мешавад. Онро ҳамчун пули тиҷоратии маъруфи ҷаҳон “Риштаҳои дӯстӣ ” ном мебаранд, ки бузургтарин маҷмӯаи мол дорад.

Муаррифии сессияи 120-ум ва конфронси видеоӣ бо созмондиҳандагони намоишогоҳи бузурги молҳои содиротиву воридотӣ бори аввал дар шаҳри Душанбе доир шуд.  

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

Июн 2022 c.