ИҚТИСОД
Панҷшанбе 30 Май 2024 01:57
7755
Ба ҳолатҳои имрӯза дар бозори хизматрасониҳои нақлиёти автомобилӣ 1711 субъекти хоҷагидор, аз ҷумла 221 корхонаҳои нақлиётӣ автомобилӣ, 51 терминали мусофирбарӣ, 11 терминали боркашонӣ, 1351 нуқтаи таъмир хизматрасонии техникии таъмири нақлиёт ва 77 қароргоҳи нақлиёти автомобилӣ, инчунин 886 хатсайри мусофирбарӣ (180 шаҳрӣ, 571 наздишаҳрӣ, 118 байнишаҳрӣ ва 17 байналмилалӣ ба қайд гирифта шудаанд.

Ин нуктаро имрӯз Азим Иброҳим, вазири Вазорати нақлиёти Ҷумҳурии Тоҷикистон зимни нишасти матбуотӣ таъкид намуд. Ӯ дар идомаи суханрониаш иброз намуд, ки тавассути нақлиёти автомобилӣ дар умум 73,6 млн. тонна бор бо гардиши 7.3 млрд тонна/км ва 634,8 млн. мусофир бо гардиши 12 млрд мусофир/км интиқол дода шуда, нисбат ба соли 2019 боркашонӣ 99%, гардиши бор 100,6%. мусофирбарӣ 97,8% ва гардиши мусофир 99,8%-ро ташкил дод. Интиқоли бору мусофирон дар самти байналмилалӣ тариқи 18 гузаргоҳи Сарҳадӣ давлатӣ пешбинӣ шуда, бо сабабҳои пешгирии бемории сироятии СОVІD-19 тариқи гузаргоҳ ҳамлу нақл ба роҳ монда шуда, дар ин давра 1,5 млн. тонна бор бо гардиши 3,0 млн. тонна/км ва 11,2 ҳазор мусофир бо гардиши 49,8 млн. мусофир/км интиқол дода шудааст, ки нисбат ба соли 2019 боркашонӣ 74,7%, гардиши бор 90,5%, мусофирбарӣ ва гардиши мусофирон 21,2%-ро ташкил дод.

Инчунин гуфта шуд, ки содироти маҳсулоти кишоварзӣ тавассути нақлиёти автомобилӣ ба 155,8 ҳазор тонна баробар шуда, нисбат ба соли 2019 11,8 зиёд мебошад. Зиёдшавии содироти маҳсулоти кишоварзӣ асосан аз ҳисоби содироти пахта (6271 тонна ё 7,6%), зардолуи хушк (6,2 ҳазор тонна ё 58,5 маротиба), пиёз (5,4 ҳазор тонна ё 21,8%), ангур (3,2 ҳазор тонна ё 47,5%) ва пряжа (1,7 хазор тонна ё 16,6%) арзёбӣ мегардад.

Эзоҳи худро нависед



Рамзҳо дар расм