Дар моҳҳои январ-декабри соли 2022 корхонаҳои саноатӣ якҷо бо соҳибкорони хусусӣ ба маблағи 42992,6 млн. сомонӣ маҳсулот истеҳсол кардаанд, ки нисбат ба соли 2021-ум бо нархҳои муқоисавӣ 15,4 фоиз афзудааст.

Дар ин бора Ҷамшед Нурмаҳмадзода, директори Агентии омори назди Президенти Ҷумҳурии Тоҷикистон 14 феврал зимни нишасти матбуотӣ иттилоъ дод.

Номбурда афзуд, ки омили асосии рушди суръати соҳаи саноат асосан аз ҳисоби афзоиши ҳаҷми маҳсулоти саноати коркард - 16,4 фоиз, таъминоти неруи барқ, газ, буғ ва тозакунии ҳаво - 17,5 фоиз, таъминоти об, тозакунӣ, коркарди партовҳо ва маҳсулоти дуюмдараҷа - 2,2 фоиз ба амал омадааст.

- Дар саноати истихроҷи маъдан дар соли 2022 ба маблағи 8890,9 млн. сомонӣ маҳсулот истеҳсол карда шудааст, ки нисбат ба соли 2021-ум бо нархҳои муқоисавӣ 2,3 фоиз кам шудааст, - гуфт Ҷамшед Нурмаҳмадзода.