ИҚТИСОД
Душанбе 17 Июн 2024 11:23
7754
Тавре масъулини Саридораи геологияи назди Ҳукумати Ҷумҳурии Тоҷикистон зимни нишасти матбуотӣ иттилоъ доданд, дар соли 2020 омӯзиши геологии қаъри замин аз рӯйи барномаҳои давлатии соҳавӣ амалӣ гардида, корҳои омӯзиши геологӣ бо истифода аз маблағҳои буҷети давлатӣ аз рӯи 22 лоиҳа ба маблағи 7 млн сомонӣ дар иншоотҳои металлҳои сиёҳ, ранга, қимматбаҳо, нодир, сангҳои худҷило ва ороишӣ, гидрогеология, геологияи муҳандисӣ ва геоэкология ба анҷом расонида шудааст.

Ҳамчунин корҳои шартномавӣ аз рӯи 196 лоиҳа ба маблағи 18 695 221 сомонӣ ва корҳои пудратӣ ба маблағи 393 740 сомонӣ ба иҷро расонида шудааст, ки дар маҷмӯъ корҳо бо усули хоҷагидорӣ 25 301 481 сомониро ташкил менамояд.

Гуфта шуд, ки барои вусъати корҳои геологӣ ва зиёд намудани канданиҳои фоиданоки табиию маъданӣ ва ба ин васила таъмини аҳолӣ бо ҷойи кори доимӣ Саридора аз таҷрибаи доштаи худ васеъ истифода менамояд. Инчунин Саридораи геология корҳоро аз рӯи лоиҳаҳои дохиливу хориҷӣ тарҳрезӣ намуда, тибқи он дар ноҳияҳои тобеи ҷумҳурӣ, ВМКБ, вилоятҳои Хатлону Суғд тадқиқоти муҳандисӣ-геологӣ мегузаронад.

Эзоҳи худро нависед



Рамзҳо дар расм