2 апрел Баҳодур Шерализода, раиси Кумитаи ҳифзи муҳити зисти назди Ҳукумати Ҷумҳурии Тоҷикистон бо Олег Гучгелдиев, намояндаи Ташкилоти озуқаворӣ ва кишоварзии Созмони Милали Муттаҳид дар Тоҷикистон вохӯрд.

Дар ин хусус сомонаи Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.

Гуфта мешавад, ки зимни вохӯрӣ масъалаи ҳамкории дуҷонибаи тарафҳо мавриди баррасӣ ва муҳокима қарор гирифтааст.

“Ҷонибҳо оид ба ҳамаи масъалаҳои дуҷониба ва бисёрҷониба, ки дар самти ҳифзи муҳити зист мавриди таваҷҷуҳ қарор дода шуда, ба мувофиқа расиданд”,- омадааст дар хабари мазкур.
Ҳамчунин, дар фарҷоми вохурӣ миёни Маркази миллии амалҳо оид ба ҳифзи муҳити зисти Кумита ва Ташкилоти озуқаворӣ ва кишоварзӣ созишномаи ҳамкорӣ дар самти ҳифзи гуногунии агробиологӣ ва захираҳои генетикӣ дар Тоҷикистон ба имзо расид.