ИҚТИСОД
Сешанбе 24 Январ 2017 02:01
1813
30 октябр дар Маҷмааи давлатии “Кохи Борбад”-и Шаҳри Душанбе 9-умин намоишгоҳи “Молистеҳсолкунандагони Ноҳияи Мухтори Синзян Уйғури Чин - Тоҷикистон - 2016” ифтитоҳ гардид. Он то 1-уми ноябр давом мекунад.

Зимни ифтиттоҳи намоишгоҳ Шариф Саид, раиси Палатаи савдою саноати Тоҷикистон изҳор дошт, ки дар чаҳорчӯби чунин чорабинӣ ва намоишгоҳҳо муносибати дӯстонаи Тоҷикистону Чин боз ҳам наздик мегардад.

“Муносибати дуҷониба ба савдои наздисарҳадӣ, сармоягузорӣ ба иқтисодиёти Тоҷикистон, манфиати доираҳои тиҷоратии Ноҳияи Синзян Уйғури Чин ба пайдо кардани шарикони эҳтимолӣ оварда мерасонад. Мо метавонем дар ҳама самтҳо, аз қабили гидроэнергетика, нақлиёт, логистика ва телекоммуникатсия, сохтмони манзил, металлургия, саноати сабук, саноати хӯрокворӣ, кишоварзӣ, саноати дорусозӣ, маориф ва сайёҳӣ бо ҳам ҳамкорӣ намоем. Имрӯз дида истодаем, ки “Роҳи Абрешим” на танҳо муноисбати тиҷоратӣ, балки риштаи дӯстии моро боз ҳам мустаҳкам карда истодааст”, - гуфт Шариф Саид.
 


Дар Намоишгоҳ зиёда 50 ширкати чинӣ молу маҳсулоти истеҳсолкардаашонро, аз қабили маҳсулоти хурокворӣ, технологияи мошинсозӣ, бофандагӣ, заргарӣ, санъат ва ҳунарҳои дастӣ, молҳои маишӣ, либосворӣ ва ғайра ба намоиш гузоштанд.

Эзоҳи худро нависед



Рамзҳо дар расм