ИҚТИСОД
Якшанбе 08 Сентябр 2024 04:54
![768](/upload/iblock/61a/%D0%BD%D0%B0%D0%BC%D0%BE%D0%B8%D1%88%D0%B8-%D0%BF%D0%BE%D0%BA%D0%B8%D1%81%D1%82%D0%BE%D0%BD.jpg)
Имрӯз дар меҳмонхонаи “Серена”-и шаҳри Душанбе дар робита ба баргузории Намоишгоҳи тиҷоратии Ҷумҳурии Исломии Покистон нишасти матботӣ доир гардид.
Манзура Рустамова, муовини раиси Палатаи савдо ва саноати кишвар, иброз дошт, ки ҳамкориҳои байни Палатаи савдо ва саноати (ПСС) Тоҷикистон бо палатаҳои савдои Покистон аз соли 2014 оғоз гардид. Байни ПСС Тоҷикистон ва ПСС Лаҳур, Ассотсиатсияи саноатчиён ва савдочиёни ПИАФ, Федератсияи ПСС Покистон, ПСС Равалпиндӣ, Созишномаи сеҷонибаи ПСС Тоҷикистон, Покистон ва Афғонистон ба имзо расида, саҳми палатаҳои ду кишвар дар зиёд гардидани гардиши молу маҳсулоти ду давлат назаррас мебошад.
- Моҳи октябри соли 2015 якумин намоишгоҳи байналмилалии истеҳсолии Покистон ва дар доираи он Ҳамоиши соҳибкорони ду давлат дар шаҳри Душанбе баргузор гардид ва соҳибкорони Покистон ба ҷумҳурии мо таваҷҷуҳ карданд. Се ширкати Покистон дар Тоҷикистон корхонаҳои худро дар соҳаҳои сохтмон ва саноати сабук созмон дода истодаанд. Ғайр аз ин, аз 7 майи соли равон парвозҳо бо хатсайри Лоҳур-Душанбе ба роҳ монда мешавад, ки ин омил барои рушди тиҷорати ду кишвар мусоидат хоҳад кард, - гуфт М. Рустамова.
Тибқи маълумоти оморӣ мубодилаи савдои хориҷии Тоҷикистону Покистон дар соли 2015 ба 64,5 миллион доллари ИМА расидааст, ки 23,25 миллиони онро содирот ва 41,3 миллиони онро воридот ташкил додааст.
Тариқ Иқбол Сомро, сафири фавқулодда ва мухтори Ҷумҳурии Исломии Покистон дар Ҷумҳурии Тоҷикистон минатдории худро ба Ҳукумати ҷумҳурӣ, ПСС Тоҷикистон ва Сафорати Тоҷикистон дар Покистон барои дастгирии бевосита барои баргузории Фестевали савдо ва фарҳангӣ, ки 8-10 апрел доир мешавад, расонд. “Ман умедворам, ки баргузории Фестевали савдо ва фарҳангӣ роҳе барои пешбурд ва таҳкими минбаъдаи муносибатҳои тиҷоратӣ миёни Тоҷикистон ва Покистон мебошад. Гардиши савдо байни кишварҳои Тоҷикистон ва Покистон аз 15 миллион доллари амрикоӣ дар соли 2011 ба 90 миллион доллари амрикоӣ дар соли 2014 расид. Соли 2015 бошад, он 64,5 миллионро ташкил дод”.
Самтҳои афзалиятноки ҳамкориҳо миёни Тоҷикистону Покистон дар соҳаи гидроэнергетика, кӯҳканӣ, коркарди сангҳои қиматбаҳо ва металҳои ранга, саноати сабук, хӯрокворӣ, соҳаи кишоварзӣ (чорводорӣ, моҳипарварӣ, парандапарварӣ, занбӯри асалпарварӣ, тухмипарварӣ ва коркарди маҳсулоти кишоварзӣ), сохтмони роҳҳо, пулҳо, нақбҳо ва хонаҳои баландошёна, истеҳсоли маводи сохтмон, соҳаи тандурӯстӣ (гиёҳҳои шифобахш), соҳаи маориф, инфраструктураи сайёҳӣ ва ҳунарҳои мардумӣ дониста шуд.
Манзура Рустамова, муовини раиси Палатаи савдо ва саноати кишвар, иброз дошт, ки ҳамкориҳои байни Палатаи савдо ва саноати (ПСС) Тоҷикистон бо палатаҳои савдои Покистон аз соли 2014 оғоз гардид. Байни ПСС Тоҷикистон ва ПСС Лаҳур, Ассотсиатсияи саноатчиён ва савдочиёни ПИАФ, Федератсияи ПСС Покистон, ПСС Равалпиндӣ, Созишномаи сеҷонибаи ПСС Тоҷикистон, Покистон ва Афғонистон ба имзо расида, саҳми палатаҳои ду кишвар дар зиёд гардидани гардиши молу маҳсулоти ду давлат назаррас мебошад.
- Моҳи октябри соли 2015 якумин намоишгоҳи байналмилалии истеҳсолии Покистон ва дар доираи он Ҳамоиши соҳибкорони ду давлат дар шаҳри Душанбе баргузор гардид ва соҳибкорони Покистон ба ҷумҳурии мо таваҷҷуҳ карданд. Се ширкати Покистон дар Тоҷикистон корхонаҳои худро дар соҳаҳои сохтмон ва саноати сабук созмон дода истодаанд. Ғайр аз ин, аз 7 майи соли равон парвозҳо бо хатсайри Лоҳур-Душанбе ба роҳ монда мешавад, ки ин омил барои рушди тиҷорати ду кишвар мусоидат хоҳад кард, - гуфт М. Рустамова.
Тибқи маълумоти оморӣ мубодилаи савдои хориҷии Тоҷикистону Покистон дар соли 2015 ба 64,5 миллион доллари ИМА расидааст, ки 23,25 миллиони онро содирот ва 41,3 миллиони онро воридот ташкил додааст.
Тариқ Иқбол Сомро, сафири фавқулодда ва мухтори Ҷумҳурии Исломии Покистон дар Ҷумҳурии Тоҷикистон минатдории худро ба Ҳукумати ҷумҳурӣ, ПСС Тоҷикистон ва Сафорати Тоҷикистон дар Покистон барои дастгирии бевосита барои баргузории Фестевали савдо ва фарҳангӣ, ки 8-10 апрел доир мешавад, расонд. “Ман умедворам, ки баргузории Фестевали савдо ва фарҳангӣ роҳе барои пешбурд ва таҳкими минбаъдаи муносибатҳои тиҷоратӣ миёни Тоҷикистон ва Покистон мебошад. Гардиши савдо байни кишварҳои Тоҷикистон ва Покистон аз 15 миллион доллари амрикоӣ дар соли 2011 ба 90 миллион доллари амрикоӣ дар соли 2014 расид. Соли 2015 бошад, он 64,5 миллионро ташкил дод”.
Самтҳои афзалиятноки ҳамкориҳо миёни Тоҷикистону Покистон дар соҳаи гидроэнергетика, кӯҳканӣ, коркарди сангҳои қиматбаҳо ва металҳои ранга, саноати сабук, хӯрокворӣ, соҳаи кишоварзӣ (чорводорӣ, моҳипарварӣ, парандапарварӣ, занбӯри асалпарварӣ, тухмипарварӣ ва коркарди маҳсулоти кишоварзӣ), сохтмони роҳҳо, пулҳо, нақбҳо ва хонаҳои баландошёна, истеҳсоли маводи сохтмон, соҳаи тандурӯстӣ (гиёҳҳои шифобахш), соҳаи маориф, инфраструктураи сайёҳӣ ва ҳунарҳои мардумӣ дониста шуд.
Эзоҳи худро нависед