ИҚТИСОД
Ҷумъа 26 Апрел 2024 02:04
Иқдоми саноатикунонии босуръати кишвар маҳз ба туфайли соҳибистиқлолӣ ва сиёсати пайгиронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳру ноҳияҳои Вилояти Мухтори Кӯҳистони Бадахшон давра ба давра татбиқ шуда истодааст.
Ҳанӯз моҳи августи соли 2020 Пешвои миллат зимни сафари хеш ба ноҳияи Дарвоз корхонаҳои саноатии ҷамъияти дорои масъулияташ маҳдуди "Парки инноватсионии саноатию технологии ноҳияи Дарвоз" бо ҳафт коргоҳ, ҶДММ "Карон - калсит" ва дигар иншооти муҳимро мавриди истифода қарор доданд. Баъди бунёди корхонаҳои саноатӣ ҳаҷми даромади буҷети маҳаллии ноҳия дучанд афзун гашт. Агар соли 2010 буҷети ноҳия 7652, 3 ҳазор сомониро ташкил медод, соли 2021 ин нишондод ба 28 215,7 ҳазор сомонӣ расид.
Бар замми ин, бо пайваст гардидан ба шабакаи барқи ҷумҳуриявӣ, сокинони деҳаҳои дурдасттарини ноҳия давоми 24 соат бо барқ таъмин гардида, ин ташаббус барои фаъолияти корхонаҳои истеҳсолии Дарвоз заминаи мусоид фароҳам овард.
Умуман, дар се соли охир дар Дарвоз 96 иншоот ба истифода дода шуда, бунёду барқарорсозии объектҳои муҳими дигар ҳам бо маром идома дорад. Яъне, бо чунин пешрафт чор ҳадафи стратегии Ҳукумати кишвар - аз бунбасти коммуникатсионӣ баровардани кишвар, таъмини амнияти озуқаворӣ, ҳифзи истиқлолияти энергетикӣ ва саноатикунонии босуръат беҳтар аз аввала амалӣ шуда истодаанд.
Ба қавли раиси ноҳияи Дарвоз Абдураҳмонзода Саидбурҳони Саидраҳмон ҳамаи пешравиҳо дар ноҳия аз файзи соҳибистиқлолию ваҳдати миллӣ, сиёсати хирадмандонаи Пешвои муаззам ва ҳамдилию ҳаммаромии мардум мебошанд.
Дар ноҳияи Ванҷ бошад, дар муддати начандон зиёд беш аз 12 лоиҳаи сармоягузории давлатӣ ба маблағи 30 миллион сомонӣ, инчунин бо ҷалби сармояи хориҷӣ 16 лоиҳа ба маблағи 13 миллион сомонӣ амалӣ гардида, татбиқи шаш лоиҳаи сармоягузории давлатӣ идома дорад, ки то ба имрӯз нисфи маблағи он аз худ карда шудааст.
Дар муддати начандон зиёд дар ноҳия неругоҳҳои барқии Техарв, Пойи мазор, Пшихарв сохта шуда, хатҳои барқӣ дар тамоми ноҳия аз нав ба занҷири ягонаи барқии Тоҷикистон пайваст шуданд.
-Мо, зодагони ноҳияи Ванҷ инро хеле хуб дар ҳаёти хеш эҳсос кардем, ки чӣ мушкилиҳои сахте дар рӯзгори мо садди роҳи пешрафт гардиданд, - гуфт раиси ноҳияи Ванҷ Одинашо Мардзода. - Як гӯшаи ноҳия, ҷамоати деҳоти Язгулом чӣ рӯзгори вазнину талх дошт. Президенти кишвар муҳтарам Эмомалӣ Раҳмон ин аҳволи сокинонро дарк карда, ҳанӯз соли 1999 дар деҳаи Андарбаки Ванҷ неругоҳи обии барқӣ бо иқтидори 300 киловат сохта, дар муддати кӯтоҳ шаби зулмоти водии Язгуломро ба нуристон табдил доданд.
Аз соли 1993 то ҳол бо дастгирии Ҳукумати кишвару шарикони рушд дар ноҳияи Рӯшон 22 неругоҳи барқӣ ба кор дароварда шудаанд. Феълан кашидани хати барқ дар деҳаҳои Хичез, Разуҷ, Равивд, Даржомҷ, Дорж, Чадуд ва Япшорв ба маблағи 1 675 ҳазор сомонӣ ба охир расида, масъалаи таъмини неруи барқ ҳалли худро ёфт.
Соли 2021 дастгоҳҳои неругоҳҳои обии барқии Спонҷ ва Шуҷанд пурра аз таъмири асосӣ бароварда шуда, зеристгоҳҳои деҳаҳои Дерзуду Дерӯшон бо трансформаторҳои баландқувва иваз гардиданд. Инчунин, зеристгоҳҳои шиддати 04 кВт - и Барӯшон, мавзеъҳои Вамд, Дерзуд - 1, Пастбаҷув, Санговак, Шодмон, Спихуф, Пичув - 1 ва беморхонаи марказии ноҳия пурра таъмин гаштанд.
Ба гуфтаи раиси ноҳияи Рӯшон Додихудо Фаррух Муборакшо ҳаҷми истеҳсоли маҳсулоти саноатӣ нисбат ба соли гузашта, ҳашт фисад бештар шудааст. Чанде пеш бо иқдоми Кумитаи иҷроияи Ҳизби халқии демократии Тоҷикистон дар ноҳия коргоҳи дӯхти либоси миллӣ бо таъсиси 15 ҷойи кории доимӣ ба фаъолият шурӯъ намуд. Ҳоло чор коргоҳи саноатӣ, аз қабили "Рундара", "Нури умед", "Помир асри 21" ва “Баҳодур” ба истеҳсоли маҳсулоти саноатӣ машғуланд.
- Мардуми меҳнатдӯсти ноҳия бо ҳадафи ноил шудан ба сатҳи зиндагии сифатан нав кӯшиш ба харҷ дода, ҷидду ҷаҳд дорем, ки дар асоси дастуру ҳидоятҳои Пешвои миллат ба мақсадҳои неки хеш бирасем, - иброз намуд, раиси ноҳияи Рӯшон.
“Ноҳияи Шуғнон аз баракати соҳибистиқлолию ваҳдати миллӣ ба як минтақаи ободу зебо ва маркази он ба шаҳраки замонавӣ табдил ёфтааст. Ҳукумати кишвар, хоса бо талошҳои пайгиронаи Сарвари давлат барои рушди инфрасохтори ноҳия дар замони соҳибистиқлолӣ 75 миллион сомонӣ ҷудо шуда, беш аз 600 нафар сокинон бо ҷойи кори доимӣ таъмин карда шуданд”, - гуфт раиси ноҳияи Шуғнон Ҷумъазода Ҷумъа Шофақир.
Фаъол гаштани "Корхонаи коркарди ғалла" дар ноҳияи Шуғнон бо зарфияти 60 тонна орд дар як шабонарӯзу анбори нигаҳдории 6 000 тонна маҳсулоти ғалладонагӣ иқтидори истеҳсолии Шуғнонро воқеан тақвият бахшид. Ин корхона соли 2015 бо дастури бевоситаи Пешвои миллат ба маблағи 9,5 миллион сомонӣ мавриди баҳрабардорӣ қарор гирифт. Дар умум, ноҳияи Шуғнон дар тавлидоти саноат ҳиссаи арзанда гузошта, 40 фисади истеҳсолоти саноатии вилоят аз ҳисоби он мебошад. НБО "Помир - 1" бошад, калонтарин воҳиди истеҳсолии ноҳия дар таъмини қариб тамоми сокинони вилоят бо барқ нақши муҳим дорад.
- Натиҷаи тадбиру ташаббусҳои судманди Ҳукумати кишвар аст, ки феълан 96 фисади бошандагони ноҳияи Ишкошим шабонарӯзӣ бо барқ таъминанд, - зикр намуд, муовини раиси ноҳияи Ишкошим Ашам Холдорзода. -Дар Ишкошим як НБО - и миёна ва ду неругоҳи хурд фаъолият дошта, соли 2021 26 деҳаи ноҳия, ки то ин замон аз бебарқӣ азоб мекашиданд, бо неруи барқ таъмин гаштанд.
Ҳанӯз моҳи августи соли 2020 Пешвои миллат зимни сафари хеш ба ноҳияи Дарвоз корхонаҳои саноатии ҷамъияти дорои масъулияташ маҳдуди "Парки инноватсионии саноатию технологии ноҳияи Дарвоз" бо ҳафт коргоҳ, ҶДММ "Карон - калсит" ва дигар иншооти муҳимро мавриди истифода қарор доданд. Баъди бунёди корхонаҳои саноатӣ ҳаҷми даромади буҷети маҳаллии ноҳия дучанд афзун гашт. Агар соли 2010 буҷети ноҳия 7652, 3 ҳазор сомониро ташкил медод, соли 2021 ин нишондод ба 28 215,7 ҳазор сомонӣ расид.
Бар замми ин, бо пайваст гардидан ба шабакаи барқи ҷумҳуриявӣ, сокинони деҳаҳои дурдасттарини ноҳия давоми 24 соат бо барқ таъмин гардида, ин ташаббус барои фаъолияти корхонаҳои истеҳсолии Дарвоз заминаи мусоид фароҳам овард.
Умуман, дар се соли охир дар Дарвоз 96 иншоот ба истифода дода шуда, бунёду барқарорсозии объектҳои муҳими дигар ҳам бо маром идома дорад. Яъне, бо чунин пешрафт чор ҳадафи стратегии Ҳукумати кишвар - аз бунбасти коммуникатсионӣ баровардани кишвар, таъмини амнияти озуқаворӣ, ҳифзи истиқлолияти энергетикӣ ва саноатикунонии босуръат беҳтар аз аввала амалӣ шуда истодаанд.
Ба қавли раиси ноҳияи Дарвоз Абдураҳмонзода Саидбурҳони Саидраҳмон ҳамаи пешравиҳо дар ноҳия аз файзи соҳибистиқлолию ваҳдати миллӣ, сиёсати хирадмандонаи Пешвои муаззам ва ҳамдилию ҳаммаромии мардум мебошанд.
Дар ноҳияи Ванҷ бошад, дар муддати начандон зиёд беш аз 12 лоиҳаи сармоягузории давлатӣ ба маблағи 30 миллион сомонӣ, инчунин бо ҷалби сармояи хориҷӣ 16 лоиҳа ба маблағи 13 миллион сомонӣ амалӣ гардида, татбиқи шаш лоиҳаи сармоягузории давлатӣ идома дорад, ки то ба имрӯз нисфи маблағи он аз худ карда шудааст.
Дар муддати начандон зиёд дар ноҳия неругоҳҳои барқии Техарв, Пойи мазор, Пшихарв сохта шуда, хатҳои барқӣ дар тамоми ноҳия аз нав ба занҷири ягонаи барқии Тоҷикистон пайваст шуданд.
-Мо, зодагони ноҳияи Ванҷ инро хеле хуб дар ҳаёти хеш эҳсос кардем, ки чӣ мушкилиҳои сахте дар рӯзгори мо садди роҳи пешрафт гардиданд, - гуфт раиси ноҳияи Ванҷ Одинашо Мардзода. - Як гӯшаи ноҳия, ҷамоати деҳоти Язгулом чӣ рӯзгори вазнину талх дошт. Президенти кишвар муҳтарам Эмомалӣ Раҳмон ин аҳволи сокинонро дарк карда, ҳанӯз соли 1999 дар деҳаи Андарбаки Ванҷ неругоҳи обии барқӣ бо иқтидори 300 киловат сохта, дар муддати кӯтоҳ шаби зулмоти водии Язгуломро ба нуристон табдил доданд.
Аз соли 1993 то ҳол бо дастгирии Ҳукумати кишвару шарикони рушд дар ноҳияи Рӯшон 22 неругоҳи барқӣ ба кор дароварда шудаанд. Феълан кашидани хати барқ дар деҳаҳои Хичез, Разуҷ, Равивд, Даржомҷ, Дорж, Чадуд ва Япшорв ба маблағи 1 675 ҳазор сомонӣ ба охир расида, масъалаи таъмини неруи барқ ҳалли худро ёфт.
Соли 2021 дастгоҳҳои неругоҳҳои обии барқии Спонҷ ва Шуҷанд пурра аз таъмири асосӣ бароварда шуда, зеристгоҳҳои деҳаҳои Дерзуду Дерӯшон бо трансформаторҳои баландқувва иваз гардиданд. Инчунин, зеристгоҳҳои шиддати 04 кВт - и Барӯшон, мавзеъҳои Вамд, Дерзуд - 1, Пастбаҷув, Санговак, Шодмон, Спихуф, Пичув - 1 ва беморхонаи марказии ноҳия пурра таъмин гаштанд.
Ба гуфтаи раиси ноҳияи Рӯшон Додихудо Фаррух Муборакшо ҳаҷми истеҳсоли маҳсулоти саноатӣ нисбат ба соли гузашта, ҳашт фисад бештар шудааст. Чанде пеш бо иқдоми Кумитаи иҷроияи Ҳизби халқии демократии Тоҷикистон дар ноҳия коргоҳи дӯхти либоси миллӣ бо таъсиси 15 ҷойи кории доимӣ ба фаъолият шурӯъ намуд. Ҳоло чор коргоҳи саноатӣ, аз қабили "Рундара", "Нури умед", "Помир асри 21" ва “Баҳодур” ба истеҳсоли маҳсулоти саноатӣ машғуланд.
- Мардуми меҳнатдӯсти ноҳия бо ҳадафи ноил шудан ба сатҳи зиндагии сифатан нав кӯшиш ба харҷ дода, ҷидду ҷаҳд дорем, ки дар асоси дастуру ҳидоятҳои Пешвои миллат ба мақсадҳои неки хеш бирасем, - иброз намуд, раиси ноҳияи Рӯшон.
“Ноҳияи Шуғнон аз баракати соҳибистиқлолию ваҳдати миллӣ ба як минтақаи ободу зебо ва маркази он ба шаҳраки замонавӣ табдил ёфтааст. Ҳукумати кишвар, хоса бо талошҳои пайгиронаи Сарвари давлат барои рушди инфрасохтори ноҳия дар замони соҳибистиқлолӣ 75 миллион сомонӣ ҷудо шуда, беш аз 600 нафар сокинон бо ҷойи кори доимӣ таъмин карда шуданд”, - гуфт раиси ноҳияи Шуғнон Ҷумъазода Ҷумъа Шофақир.
Фаъол гаштани "Корхонаи коркарди ғалла" дар ноҳияи Шуғнон бо зарфияти 60 тонна орд дар як шабонарӯзу анбори нигаҳдории 6 000 тонна маҳсулоти ғалладонагӣ иқтидори истеҳсолии Шуғнонро воқеан тақвият бахшид. Ин корхона соли 2015 бо дастури бевоситаи Пешвои миллат ба маблағи 9,5 миллион сомонӣ мавриди баҳрабардорӣ қарор гирифт. Дар умум, ноҳияи Шуғнон дар тавлидоти саноат ҳиссаи арзанда гузошта, 40 фисади истеҳсолоти саноатии вилоят аз ҳисоби он мебошад. НБО "Помир - 1" бошад, калонтарин воҳиди истеҳсолии ноҳия дар таъмини қариб тамоми сокинони вилоят бо барқ нақши муҳим дорад.
- Натиҷаи тадбиру ташаббусҳои судманди Ҳукумати кишвар аст, ки феълан 96 фисади бошандагони ноҳияи Ишкошим шабонарӯзӣ бо барқ таъминанд, - зикр намуд, муовини раиси ноҳияи Ишкошим Ашам Холдорзода. -Дар Ишкошим як НБО - и миёна ва ду неругоҳи хурд фаъолият дошта, соли 2021 26 деҳаи ноҳия, ки то ин замон аз бебарқӣ азоб мекашиданд, бо неруи барқ таъмин гаштанд.
Хабарҳои дигар
Рӯзнома
Эзоҳи худро нависед