Дар Китобхонаи вилоятии оммавии ба номи Тошхуҷа Асирии шаҳри Хуҷанд даври шаҳрии озмуни ҷумҳуриявии “Фурӯғи субҳи доноӣ...” баргузор гардида, барандаи шоҳҷоиза ва ғолибони он муайян шуданд. 

Дар озмун 55 нафар довталаб, аз ҷумла хонандагон, донишҷӯён, шаҳрвандони касбу кори гуногун фаъолона иштирок ва байни ҳам рақобат намуданд. 

Аз рӯйи номинатсияи аз ёд кардану хондани осори адабиёти классикии тоҷик Шодмонбибӣ Шарофова, докторанти донишгоҳ сазовори ҷойи аввал ва Шоира Олимова, донишҷӯи факултети филологияи тоҷик мақоми дуюмро касб намуданд. Дар номинатсияи аз ёд кардану хондани осори адабиёти классикии ҷаҳон Манижа Воситзода, донишҷӯи факултети филологияи рус мақоми аввалро соҳиб гашта, “Шоҳҷоиза” насиби Сарфарозиддин Иморуддинов, донишҷӯи факултети филологияи тоҷики Донишгоҳи давлатии Хуҷанд ба номи академик Бобоҷон Ғафуров гардид.