Дар шаҳри Кэйптауни кишвари Африкаи Ҷанубӣ, дар яке аз беморхонаҳо одамон зуд-зуд ва ба таври асрорангез ба ҳалокат мерасиданд. Ҳамшираҳо чандин ҳафта буд, ки ҳар рӯзи ҷумъа аз ҳуҷраи рақами 311-и вазнинхона беморонро мурда меёфтанд. Сабаби ин маргҳои ногаҳониву ғароиб муддати зиёд маълум нагашт. Ниҳоят тамоми соҳаи тандурустӣ ба ин кор сафарбар карда шуд.

Мутахассисон ҳавои ҳуҷраро аз ҷиҳати бактериологӣ санҷиданд. Олимони варзидаи Африкаи Ҷанубӣ давоми як ҳафта бо пайвандони нафарони фавида мулоқотҳо гузаронданд. Ба масъала ҳатто пулис ҳамроҳ шуда, ҳар як хурдтарин ҷузъиётро тафтиш намуд. Вале ин ҳама санҷишу тафтишот бенатиҷа тамом шуд. Ҳалокати бесабаби одамон бошад, дар ҳуҷраи 311 ҳамчунон идома дошт. Ҳамин тавр, ба сифати тадбири охирин ҳуҷраи 311 мунтазам таҳти назорат гирифта шуд ва ниҳоят сабаби ҳалокати беморон маълум гардид. Ва сабаб ҳам хандаовар буду ҳам фоҷиаангез: Фарроше, ки ҳар рӯзи ҷумъа соати 6 субҳ масъули тозагии ҳуҷраи 311 буд, муддати чанд дақиқа сими ҷиҳозеро, ки аз он ба беморон нафас дода мешуд, аз “розетка” канда, ба ҷои он сими дастгоҳи чангкашиашро сахт мекардааст.