КИТОБХОНА
Душанбе 25 Июн 2018 09:24
4481
Дар як мавзеи зебову назаррабое, ки ҳамеша обу ҳавои гарм дошт, бешазори анбуҳи сабзу хурраме доман паҳн карда буд. Он ҷо дар миёни долу дарахтони бузург ҳайвоноти зиёде ба сар мебурданд, ки рӯзгори орому хушҳолонае доштанд. Онҳо аз лаҳзаи ба дунё омадан то охири умр дар муҳити серу пур ва гарму роҳат зиндагӣ мекарданд.

Аммо рӯзе боди сарде вазиду зимистони хеле шадиду тӯлонӣ ва қаҳратун фаро расид. Ҳайвоноти зиёде ба чунин сармо тоб оварда натавониста, ҳалок гардиданд.

Дар чунин сардӣ як оилаи ҷайраҳо ба қароре омаданд, ки барои зинда мондан ҳамеша бо ҳам ҷафс мешаванд. Бо ҳамин роҳ онҳо метавонанд гармиро нигоҳ доштаву нобуд нашаванд. Вале вақте онҳо бо ҳамдигар ҷафс шуданд, аз хорҳои якдигар сахт захмдор шуданд ва фиғон бардошта, боз ҳар тараф парешон гаштанд.

Вақт сипарӣ мегардиду ҷайраҳо паиҳам аз сардӣ мемурданд. Онҳо маҷбур шуданд аз ду роҳ якеро интихоб кунанд: ё марг, ё захми хорҳо.

Ва онҳо тасмим гирифтанд, ки бори дигар барои иҷрои ин амал кӯшиш мекунанд. Онҳо дар як ҷо ҷамъ омаданд. Ҳини ба якдигар ҷафс шудан кӯшиш мекарданд, ки ба якдигар халидани хорҳояшонро то қадри имкон кам намоянд. Тадриҷан ба ин одат карданду халидани хорҳо дигар барояшон чандон дардовар набуд. Ҳамин тариқ, онҳо худро аз марг наҷот доданд ва дар муқоиса бо ҳайвоноти дигар дар макони аҷдодии худ муддати тӯлонӣ зиндагӣ карданд.

Андарз: Ҳаёт кӯтоҳ аст ва муносибату муомилаи хуш бо атрофиён ин кафолати якдигарфаҳмию рафоқат ва аз байн бурдани ҳар гуна мушкилиҳо мебошад. Наздикону атрофиёнатонро бо ҳама камбудиву нуқсонҳояшон дарк ва қабул намоед.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Июн 2018 c.