КИТОБХОНА
Душанбе 25 Март 2019 08:43
5149

Санаи 29 ноябри соли 2018, дар толори шуъбаи кӯдакон ва наврасони Китобхонаи миллии Ҷумҳурии Тоҷикистон вохӯрии мактаббачагон бо адиби шинохта Маҷид Салим баргузор гардид. 

Дар мулоқоти мазкур миёни адиб ва хонандагони макотиби таҳсилоти умумии шаҳри Душанбе атрофи ҳаёт ва эҷодиёти ин адиб, муҳтавои қиссаву ҳикоёти ӯ, хосса асарҳои барои бачаҳо эҷоднамудааш, суҳбати ҷолиб ва судманде сурат гирифт. Қайд гардид, ки Маҷид Садим адиби табиатшинос ва муаллифи беш аз 50 асарҳои бадеӣ дар мавзӯи ҳифзи олами ҳайвонот мебошад. Асарҳои ӯ аз қиссаю ҳикоя ва очеркҳо иборат буда, фарогири умдатарин мавзӯъҳои рӯзгор аст. Зиндагии пуртазод, муносибати инсон ба табиату ҷонварон, ҳифзи табиати зинда ҳадафи асосии эҷодиёти адиб буда, хонандаро ба муносибату садоқат ва эҳтироми вақт ҳидоят мекунад.

Ҳамин тариқ, хонандагон тариқи суолу ҷавоб аз паҳлуҳои мухталифи рӯзгор ва эҷодиёти Маҷид Салим огаҳӣ пайдо намуданд.

Мавриди зикр аст, ки баргузории чунин чорабиниҳо барои рушди маънавиёти хонандагон, робитаи онҳо бо китоб ва аз бар намудани илмҳои замона мусоидат намуда, ба онҳо як ҷаҳон ғизои маънавӣ мебахшад.

Дар охири мулоқот хонандагон аз ашъори нависанда, инчунин аз ашъори адибони гузаштаи тоҷик порчаҳои назмию насрӣ қироат намуданд.

 

                                                                                                                   

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Март 2019 c.