Фосилаи духтарак то мӯйсафед ба андозаи як нафар буд. Рӯйи нимкати чӯбӣ назди фаввора нишаста буданд.

Мӯйсафед аз духтарак пурсид:

- Ғамгинӣ?

- Не.

- Мутмаинӣ?

- Не.

- Чаро гиря мекунӣ?

- Ҳамсолонам маро дӯст намедоранд.

- Барои чи?

- Чун зебо нестам.

- Қаблан инро бароят гуфтанд?

- Не

- Аммо ту зеботарин духтаре ҳастӣ, ки ман то ҳол дидам.

- Рост мегӯед?

- Мутмаинам.

Духтарак баланд шуд ва бо хушҳолӣ сӯйи дӯстонаш давид.

Чанд дақиқа баъд пирамард ашкашро пок кард ва аз борхалта асои сафедашро берун овард ва бо кӯмаки он ба роҳ баромад.
Пирамард нобино буд.