КИТОБХОНА
Сешанбе 24 Апрел 2018 09:27
3783
Имрӯз мо чанде аз андешаҳои одамони синну соли гуногун, яъне аз 19 то 92-соларо пешкаши хонанда мегардонем. Ҳар кадоми онҳо аз дидаву шунидаҳо бардоште дорад, ки дар онҳо афкори аҷиб доир ба ҳақиқати зиндагӣ, ишқу муҳаббат ва дигар паҳлӯҳои ҳаёт баён гардидаанд...

Шояд шумо низ ягон афкори тозаи худро ба ин гуфтаҳо илова кардан мехоҳед? Биёед, аввал онҳоро мутолиа мекунем.

- Ман фаҳмидам, ки аксари он чизҳое, ки ман зиёд метарсидам, ҳамин тавр ҳаргиз рух надоданд (64-сола);

- Ман фаҳмидам, ки ҳама муваффақияту дастовардҳои бузург замоне дастнорас мегарданд (47-сола);

- Ман фаҳмидам, ки корҳои хурдро бо ақл ва корҳои бузургро бо қалб ҳал бояд кард (52-сола);

- Ман фаҳмидам, ки бузургтарин хушҳолӣ дар олам ин дӯст доштан ва дилхоҳу писандида будан аст (78-сола);

- Ман фаҳмидам, ки агар дар олам мушкилӣ набошад, пас имконот низ вуҷуд надорад (19-сола);

- Ман фаҳмидам, ки барои бо одамон меҳрубон будан пули зиёд доштан лозим нест (66-сола);

- Муҳим он нест, ки дигарон дар бораи ман чӣ андеша доранд, балки муҳим он аст, ки ман дар бораи худ чӣ андеша дорам (38-сола);

- Ман фаҳмидам, ки новобаста аз ранги пӯст ва синну сол, мо ҳамеша ба як миқдори муайяни муҳаббат эҳтиёҷ дорем (37-сола);

- Ман фаҳмидам, ки ҳамеша ва дар ҳама гуна вазъият бояд ба ваъда вафо кунем (81-сола);

- Ман фаҳмидам, ки маълумот, таҷриба ва ёддошт – ин се чизест, ки касе онҳоро аз ту гирифта наметавонад (67-сола);

- Ман фаҳмидам, ки эҷодкорӣ, суботкорӣ ва садоқату муҳаббати самимиро аз кӯдакон бояд омӯхт (37-сола);

- Ман фаҳмидам, ки хушбахт зистан ин мисли навохтани ғиҷҷак аст – онро ҳамарӯза ба кор бурдан лозим аст (70-сола);

- Ман фаҳмидам, ки хушбахтӣ ин мисли бӯи атр аст. Агар худ онро надошта бошӣ, онро ба касе дода наметавонӣ (59-сола);

- Ман фаҳмидам, ки агар ба нафаре табассум кунӣ, пас, ҳамеша ӯ низ дар ҷавоб ба ту табассум мекунад (81-сола);

- Ман фаҳмидам, ки агар чизи беҳтаринатро ба ҳаёт қурбон накунӣ, пас, аз ҳаёт чизи беҳтаринро умедвор шудан нашояд (51-сола);

- Ман фаҳмидам, ки ҳаргиз иқтидор ва нерӯи инсонро набояд нодида гирифт (81-сола);

- Ман фаҳмидам, ки ҳоло бисёр чизҳоро дар ҳаёт нафаҳмидаам (92-сола).

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Апрел 2018 c.