Китоб дӯсти оромтарин ва доимӣ мебошад, китоб дастрастарин ва оқилтарин мушовир, пурсабртарин муаллим аст.
                                                                                       Чарлз Уилям Элиот, адиби анлис 

Баҳодур Шерализода,
раиси Кумитаи ҳифзи муҳити зисти назди Ҳукумати Ҷумҳурии Тоҷикистон

Китобе, ки айни замон аз интернет дастрас ва мутолиа дорам, ин “Алхимик” (Кимёгар) - и Пауло Коэло мебошад. Китоби мазкур дар бораи саргузашти чӯпон Сантяго аст. Ӯ пеш аз ба сафар баромадан, дар пеши худ мақсад мегузорад, ки ҷаҳонро гашта, аз ҳаводиси олам бохабар шавад.

Қаҳрамони китоб Сантяго дар як майхонаи хурди Африқо нишаста буд. Одамон бисёр буданд, яке аз онҳое, ки ӯро аксар вақт дар кӯчаҳои танги ин шаҳр вомехӯрд, наздаш омад. Бо ӯ ҳамсуҳбат шудан мехост, аммо Сантяго чизе нагуфт. Гирду атрофашро ба диққат тамошо мекард. Чанд нафар бо навбат як лӯлаи азимро дуд карда, онро ба ҳамдигар доданд. Дар ин вақт чашмаш ба гурӯҳи мардоне афтид, ки даст ба даст қадам мезаданд. Дар дигар тараф занони рӯйпӯшшуда, руҳониён, ки ба манораҳои баланд баромада, аз он ҷо бо садои баланд чизе мегуфтанд, аз даруни майхона тамошо мекард. Онҳо ҳама ба зону менишастанду пешониҳои худро ба замин мезаданд...



Номи китоб: “Алхимик”
Муаллиф: Пауло Коэло
Нашриёт: гурӯҳи нашриётии “АСТ”
Макон ва санаи нашр: шаҳри Маскав, соли 2020


Таҳияи Н. Муродбекова, "ҶТ"