Боре яке аз профессори факултаи физикаю математика хост, ба донишҷӯён сабақе дода бошад, ки тамоми умр дар хотирашон нақш бандад. Ӯ ба тахта бо ҳарфҳои калон адади 1-ро навишт ва рӯ ба донишҷӯён оварда, гуфт:

- Ин яке аз хислатҳои муҳимтарини ҳаёт - одамияти шумост.

Сипас дар шафати адади 1 адади сифр (0) навишта, гуфт:

- Ин дастоварди шумост, ки агар онро паҳлуи одамияти шумо гузорем, эътибори шуморо 10 баробар зиёд мекунад. Боз як адади сифр илова мекунем ва ин таҷрибаи шумо хоҳад буд ва эътибори шумо ба 100 баробар мешавад. Ҳар адади сифри иловашуда шахсро нексиришттар мекунад.

Ногаҳон ӯ адади 1-ро, ки дар аввали саф меистод, пок кард. Дар тахта силсилаи ададҳои беифодаю бемаънои сифр боқӣ монданд.

Профессор гуфт: - Агар шумо одамият надошта бошед, тамоми хислатҳои дигари шумо арзише нахоҳанд дошт.

Таҳияи Ш. Эшонова, “ҶТ”