КИТОБХОНА
Ҷумъа 29 Март 2024 06:14
Дар ноҳия Шуғнони ВМКБ бо ташаббуси Бахши кор бо ҷавонон ва варзишу дигар идораҳои маҳаллӣ даври ноҳиявии озмуни ҷумҳуриявии “Фурӯғи субҳи доноӣ…» доир гардид.
Тавре аз бахш иттилоъ доданд, дар озмун 17 нафар ҷавонону толибилмони ноҳия ба даври навбатиии он роҳ ёфта, тибқи ҷадвали он ҳайати комиссияи озмун лаёқат, малака ва маҳорати довталабонро аз рӯи шартҳои асосии он санҷиданд.
Ба иттилои масъулини озмун шартҳои тарзи нақл, шоирӣ, оҳанги қироати иштирокчӣ, мавзӯъҳои инсондӯстӣ, хайру саховат, некию накӯкорӣ, ишқи поки инсонӣ, эҳсонкорӣ, дӯстию бародарӣ, ватандӯстӣ, Тоҷикистон, сулҳу субот, аз худ кардану хондани осори адабиёти гуногун, намунаҳои эҷодиёти халқ ва ғайра аз тарафи ширкаткунандагон ба таври зарурӣ иҷро шуданд.
Мавриди қайд аст, ки озмун дар сатҳи шаҳру ноҳияҳо ва муассисаҳои таълимии вилоят бомаром ҷараён дорад.
Эзоҳи худро нависед