КИТОБХОНА
Чоршанбе 16 Октябр 2019 07:18
3627
Замоне дар миёни як қабилаи ҳиндуён таомуле роиҷ буд, ки мувофиқи он ҷасорату далерӣ ва сифатҳои мардонагии ҷавононро месанҷиданд. Ҳар як ҷавон барои он ки ба марди ҳақиқӣ табдил ёбад, мебоист ҳатман аз ин санҷиш гузарад.

Ҷавон ҳамроҳи падараш ба ҷангал фиристода мешуд ва падар чашмони писарро бо бандина ё чашмбанде маҳкам мебаст ва ӯро то субҳдам он ҷо танҳо мегузошт. Агар ҷавон то тулӯи офтоб он ҷо нишаста чашмбандро аз чашмонаш накушояд, пас, ӯ марди ҳаққонӣ ҳисобида мешуд. Чун дар гирду атрофаш касе набуд, ӯ наметавонист аз касе мадад пурсад. Вуҷудашро тарсу ҳарос фаро мегирифт, чунки ҳар лаҳза ҳар гуна садоҳои аҷиб, шарфаҳои пой ва садоҳои уллос ва ғурриши ҳар гуна даррандагон ба гӯш мерасид. Ҷавон наметавонист бандинаро кушояд ва худро муҳофизат кунад, дар акси ҳол аз санҷиш намегузашт ва дар назди ҳамқабилаҳои худ шармандаву шармсор мегардид.

Рӯзе падаре писарашро ба ҷангал бурд. Шамоли сахт мевазид ва аз гирду атроф садоҳои ваҳмангези поймонӣ ва уллоси дарандагон шунида мешуд. Ҷавон бо чашмони баста ба замин нишаста меандешид, ки бояд сабур бошад ва тарсу ҳаросро аз дил берун кунад, чунки танҳо бо шуҷоату мардонагӣ ӯ метавонад, ин санҷиши ҷиддиро паси сар намояд.

Вақте оқибат нахустин шуоъҳои офтоб ба рӯяш расиданд, ӯ чашмбандро кушод ва падарашро дар паҳлӯяш дида, ҳайрон шуд. Маълум шуд, ки падар тамоми шаб каме дуртар аз писар нишаста, ӯро аз ҳама хавфу хатарҳое, ки ҷавон он шаб ба онҳо мувоҷеҳ шуда метавонист, муҳофизат намудааст.

АНДАРЗ: Мисли он ҷавон ҳар яки мо низ ҳаргиз танҳо нестем. Чун Худованди мо ҳамеша бо мо ва нигаҳбони мост. Новобаста аз ҳама мушкилот ва тарсу ҳаросе, ки ҳар дам моро фарогир мешавад, Худованд ҳамеша бо ҳар роҳу восита моро эмин нигоҳ медорад. Моро лозим аст, ки ба Ӯ барои кӯмак муроҷиат намоем. Агар мо Ӯро намебинем, ин маънои онро надорад, ки Ӯ дар паҳлӯи мо нест, чунки мо бо роҳи имону эътимод қадам мениҳем, на бо роҳи бинишу руъё.

Агар ин қисса писанди шумо гардид, метавонед онро ба дигарон низ нақл кунед, агар не, пас метавонед субҳ нодамида чашмбанди худро кушоед.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.