КИТОБХОНА
Якшанбе 16 Июн 2019 03:45
1520
Тоҷикистон
(Попурӣ, дар се вазн)

Тоҷикистон давлат аст,
Тоҷикистон ваҳдат аст.
Тоҷикистон мулки нур,
Тоҷикистон савлат аст.

Маъбади мо Тоҷикистон,
Маснади мо Тоҷикистон.
Тоҷикистон, бахту ҳам тахт,
Тоҷикистон, модари ҷон.

Бо ту меболам диёрам, эй диёр,
Бо ту меболам, диёри номдор.
Эй диёр, эй сарзамини бостон,
Меҳри ту дар қалби ман дорад қарор.

Ту саропо кони ганҷӣ, кони ганҷ,
Дар канорат кас надорад дарду ранҷ.
Ҳар кӣ ояд, бинадат бо чашми дил,
Медиҳад умре баҳоят панҷ, панҷ.

Нозанинӣ, нозанин, эй ҷон, Ватан,
Ҷаннати пурфайзу пурэҳсон Ватан.
Рӯз рафта бо ҳазорон ранг, ранг,
Дар шукӯҳӣ, баҳри фарзандон Ватан.

Пешвоят фарди оламдида аст,
Гул зи гулзори ҳақиқат чида аст.
Баҳри ҳифзат аз хатар, аз чашми бад,
Ғунчавор аз мазраат сабзида аст.

Ватан, Ватан

Мададрасони ҷон, Ватан,
Ба қалби ман мадор бош.
Манам дарахти сабзи шеър,
Маро ту такядор бош.

Ба пои ту ҳазор бор
Ниҳам саре, ки аз ман аст,
Ҳамеша мисли модарам
Базебчеҳра Меҳан аст.

Чи хуш, ки боз гаштаӣ
Ба чашми дӯстон ҷавон.
Макони сулҳу ваҳдатӣ,
Ту, эй диёри гулфишон.

Қаландарам, агар зи ту
Ниҳам ба мулки ғайр по.
Ман, эй Ватан, Ватан, даме
Нагардам аз барат ҷудо.

Нуруллоҳи ОРИФ, "ҶТ"

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.