Чанде пеш дар қасри фарҳанги ноҳияи Қубодиён фестивал – озмуни “Ҳафтаи китоби кӯдакону наврасони Тоҷикистон” таҳти унвони “Сайри китоб” баргузор гардид.

Дар доираи чорабинии мазкур озмунҳои шеърхонӣ, рақсу суруд ва намоиши саҳнаҳои бадеӣ баргузор гардида, ҳамчунин вобаста ба 140-солагии сардафтари адабиёти муосири тоҷик устод Садриддин Айнӣ аз эҷодиёти устод саҳначаҳои бадеӣ намоиш дода шуд.

Дар баробари фестивали мазкур ҳунарҳои дастии сокинони ноҳия ба маърази тамошо гузошта шуда, дар фарҷоми фестивал – озмуни “Ҳафтаи китоби кӯдакону наврасони Тоҷикистон” баҳри болидарӯҳии аҳли нишаст барномаи консертӣ пешкаш гардид.