Дар Донишгоҳи славянии Русияву Тоҷикистон зери унвони “Мушкилиҳои муҳими филологӣ ва забони дидактикӣ” конференсияи байналмилалии илмӣ-амалӣ баргузор гардид.

Дар конференсияи мазкур ректори донишгоҳ Хоҷизода Тоҳир Абдулло, Иван Иванов Сергевич роҳбари “Маркази русӣ”, олимони риштаи забоншиносӣ, устодони донишгоҳ ва як зумра донишҷӯён иштирок ва суханронӣ намуданд.

Саравал ректори донишгоҳ доктори илмҳои физика-математика Хоҷизода Тоҳир Абдулло суханрони намуда, иброз доштанд: “Раванди ҷаҳонишавии илмӣ дар ҳаёти иҷтимоии мардум таъсири худро гузоштаистодааст. Барои ин дар Тоҷикистон мисли дигар давлатҳои Осиёи миёна омӯзиши забонҳои байналмилалӣ аз мушкилиҳои забономӯзии забони тоҷикӣ сар карда, то забонҳои русию англисӣ ҷой доранд. Муҳим он аст, ки мо на фақат ба забони худ аҳамият диҳем, балки аз омӯхтани забонҳои хориҷӣ низ дар канор набошем. Мақсад аз баргузории конференсияи мазкур муаррифи намудани шахсонест, ки аз забонҳои хориҷӣ огоҳ ҳастанд ва мехоҳанд ин фаҳмиши худро ба дигарон низ биомӯзанд. Ва хусусан ҷавононе, ки забондонияшон дар марҳалаи баланд асту дар ҷомеа мақоми махсус доранд. Президенти Тоҷикистон Эмомалӣ Раҳмон низ вобаста ба забономӯзӣ доимо таъкид мекунанд, ки забонҳои хориҷиро омӯхтаву аз бар кунанд.”

Дар фарҷоми конференсия аз ҷониби забоншиносон маърӯзаҳо ироа гардида, барои як гурӯҳи ҷавонону омӯзгорон, ки барои боз ҳам такмил додани забономӯзии худ дар курсҳои дараҷаи олӣ иштирок карда буданд, сертификат супорида шуд.