- Дар номинатсияи “Ихтироъкорӣ ва навоварӣ”-и озмуни ҷумҳуриявии “Илм фурӯғи маърифат” донишҷӯёни Донишгоҳи техникии Тоҷикистон ба номи академик М. Осимӣ ҷойҳои намоёнро сазовор гаштаанд.

Роҷеъ ба ин Қудрат Давлатзода, ректори ДТТ ба номи академик М. Осимӣ 27 июл зимни нишасти хабарӣ иттилоъ дод.

Таъкид гардид, ки то соли 2021 танҳо 1 донишҷӯи донишгоҳ Стипендияи президентиро сазовор гашта буд. Айни замон шумораи гирандагони Стипендияи президентӣ ба 7 нафар расидааст.

Дар идома вобаста ба ҳавасмандии донишҷӯён гуфта шуд, ба 12 нафар донишҷӯе, ки дар корҳои ҷамъиятӣ фаъоланду бо баҳои аъло таҳсил мекунанд, стипендияи ба номи академик М. Осимӣ дода мешавад, ки маблағаш 450 сомониро ташкил медиҳад.

Ф. САФАРОВА, “ҶТ”