МАОРИФ ВА ИЛМ
Якшанбе 08 Сентябр 2024 04:22
![10028](/upload/iblock/465/%D0%97%D0%B0%D0%BD%D0%BE%D0%BD.jpg)
21 – уми феврал дар шаҳри Душанбе Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамкорӣ бо Академияи миллии илмҳои Тоҷикистон 10 - умин Конфронси илмӣ-ҷумҳуриявиро таҳти унвони “Саҳми занон дар рушди илми муосир” баргузор намуданд.
Дар ин Конферонс намояндагони вазорату идораҳо, занону бонувони олиму ихтироъкор аспирантону магистрон, устодону донишҷӯёни муассисаҳои таҳсилоти олӣ ва миёнаи касбии кишвар иштирок намуданд.
Файзидинзода Бунафша, раиси Кумитаи кор бо занон ва оилаи назди Ҳукумати Ҷумҳурии Тоҷикистон зимни суханронии хеш аз саҳми занон дар рушди илми муосир гуфта, қайд намуд, ки соли 2023 аз 73 нафар занони ихтироъкор, 5 нафар бо ихтирооти худ дар сатҳи байналмилалӣ сазовори шоҳҷоиза ва медали тилло, 10 нафар бо медали нуқра ва 1 нафар бо медали биринҷӣ сарфароз гардиданд. Дар соҳаи маориф ва илми Ҷумҳурии Тоҷикистон аз ҳисоби занон номзадони илм 993 нафар, докторони илм 131 нафар, профессорон 84 нафар, дотсентон 608 нафар, занони унвони илмидошта 204 нафар ва 1034 ассистентон фаъолияти омӯзгорӣ ва илмии худро ба роҳ мондаанд.
Инчунин, дар рафти конфронс муовини сарвазири Ҷумҳурии Тоҷикистон Мансурӣ Дилрабо, президенти Академияи миллии илмҳо Қобилҷон Хушвақтзода, вазири фарҳанги Ҷумҳурии Тоҷикистон Матлубахон Сатториён, раиси Кумита оид ба илм, маориф, фарҳанг ва сиёсати ҷавонони Маҷлиси намояндагони Маҷлиси Олии Ҷумҳурии Тоҷикистон Насиба Содиқӣ, муовини раиси Ҳизби халқии демократии Тоҷикистон Хайринисо Юсуфӣ иштирок ва баромад намуда, саҳми занону бонувонро ихтироъкорӣ ва рушди илми муосир муҳим арзёбӣ намуданд.
Дар фарҷом бо назардошти саҳми арзандаи олимону ихтироъкорон дар рушди илми муосир ва муаррифии дастовардҳои илми тоҷик дар сатҳи байналмилалӣ як қатор занону бонувони соҳаи илму ихтироот бо ифтихорномаи Кумитаи кор бо занон ва оилаи назди Ҳукумати кишвар қадрдонӣ гардиданд.
Ҷонибек ДАВРОНОВ, “ҶТ”
Дар ин Конферонс намояндагони вазорату идораҳо, занону бонувони олиму ихтироъкор аспирантону магистрон, устодону донишҷӯёни муассисаҳои таҳсилоти олӣ ва миёнаи касбии кишвар иштирок намуданд.
Файзидинзода Бунафша, раиси Кумитаи кор бо занон ва оилаи назди Ҳукумати Ҷумҳурии Тоҷикистон зимни суханронии хеш аз саҳми занон дар рушди илми муосир гуфта, қайд намуд, ки соли 2023 аз 73 нафар занони ихтироъкор, 5 нафар бо ихтирооти худ дар сатҳи байналмилалӣ сазовори шоҳҷоиза ва медали тилло, 10 нафар бо медали нуқра ва 1 нафар бо медали биринҷӣ сарфароз гардиданд. Дар соҳаи маориф ва илми Ҷумҳурии Тоҷикистон аз ҳисоби занон номзадони илм 993 нафар, докторони илм 131 нафар, профессорон 84 нафар, дотсентон 608 нафар, занони унвони илмидошта 204 нафар ва 1034 ассистентон фаъолияти омӯзгорӣ ва илмии худро ба роҳ мондаанд.
Инчунин, дар рафти конфронс муовини сарвазири Ҷумҳурии Тоҷикистон Мансурӣ Дилрабо, президенти Академияи миллии илмҳо Қобилҷон Хушвақтзода, вазири фарҳанги Ҷумҳурии Тоҷикистон Матлубахон Сатториён, раиси Кумита оид ба илм, маориф, фарҳанг ва сиёсати ҷавонони Маҷлиси намояндагони Маҷлиси Олии Ҷумҳурии Тоҷикистон Насиба Содиқӣ, муовини раиси Ҳизби халқии демократии Тоҷикистон Хайринисо Юсуфӣ иштирок ва баромад намуда, саҳми занону бонувонро ихтироъкорӣ ва рушди илми муосир муҳим арзёбӣ намуданд.
Дар фарҷом бо назардошти саҳми арзандаи олимону ихтироъкорон дар рушди илми муосир ва муаррифии дастовардҳои илми тоҷик дар сатҳи байналмилалӣ як қатор занону бонувони соҳаи илму ихтироот бо ифтихорномаи Кумитаи кор бо занон ва оилаи назди Ҳукумати кишвар қадрдонӣ гардиданд.
Ҷонибек ДАВРОНОВ, “ҶТ”
Эзоҳи худро нависед