Имрӯз, 21 ноябр дар гимназияи №53-и ноҳияи И. Сомонии шаҳри Душанбе аз тарафи кормандони Маркази миллии тестии назди Президенти Ҷумҳурии Тоҷикистон бо мақсади дар соли 2018 ба имтиҳонҳои марказонидашудаи дохилшавӣ ворид намудани иншо ё иншои хурд (эссе) барои санҷиш ва омодагӣ аз хонандагони синфи 11 иншо гирифта шуд.

Нурулло Мирзоматов, сармутахассиси Маркази миллии тестӣ дар суҳбат ба мо қайд кард, ки чунин санҷиш  дар 13 мактабҳои шаҳри Душанбе ва 22 ноябр дар шаҳрҳои Ҳисор, Ваҳдат ва ноҳияи Рӯдакӣ гузаронида мешавад, ки дар он 1000 нафар хонанда ширкат мекунанд.

-Пас аз санҷишҳо натиҷаи онро мо тафтиш карда, хулоса мебарорем, ки дар соли 2018 ин низомро дар имтиҳонҳои марказонидашудаи дохилшавӣ чӣ гуна роҳандозӣ намоем»,-илова кард номбурда.

Қобили қайд аст, ки аз соли 2018 дар имтиҳонҳои марказонидашудаи дохилшавӣ навиштани иншо роҳандозӣ мегардад, ки дараҷаи баланди он ду саҳифаи чопӣ ё 250 калимаро ташкил хоҳад дод.