Бо Қарори Ҳукумати Ҷумҳурии Тоҷикистон аз 26 июни соли 2023 таҳти рақамҳои 290 ва 291 дар назди Донишгоҳи байналмилалии сайёҳӣ ва соҳибкории Тоҷикистон ду коллеҷ дар шаҳрҳои Хуҷанд ва Левакант аз рӯи ихтисосҳои самтҳои саноат, сайёҳӣ ва хизматрасонӣ таъсис дода шудааст.

Асрорзода Убайдулло Саттор, ректори донишгоҳи мазкур 9 феврал зимни нишасти хабарӣ дар ин бора иттилоъ дод.

Ӯ дар идома илова кард, ки Донишгоҳи байналмилалии сайёҳӣ ва соҳибкории Тоҷикистон ба масъалаи тақвияти ҳамкориҳои байналмилалии донишгоҳ диққати ҷиддӣ зоҳир карда, бо 31 донишгоҳу донишкадаҳо ва марказҳои илмӣ - таҳқиқотии хориҷӣ шартномаҳои нави ҳамкорӣ ба имзо расонидааст.

Ҷонибек ДАВРОНОВ, “ҶТ”