Аз 21 то 30 июл дар вилояти Исфаҳони Ҷумҳурии Исломии Эрон Олимпиадаи умумиҷаҳонии “IPhO” аз фанни физика баргузор мегардад, ки дастаи панҷ нафараи мунтахаби Ҷумҳурии Тоҷикистон дар он иштирок хоҳанд кард.

Дар ин хусус гурӯҳи фейсбукии Сарраёсати маорифи шаҳри Душанбе хабар медиҳад.

Бино ба иттилои манбаъ хонандагони тоҷик баъд аз анҷоми Олимпиадаи байналмилалии илмӣ аз фанни физика - “ISPhO”, ки рӯзҳои 3-11 июл дар вилояти Мухтори Ханти-Мансийскии Донишкадаи физика ва технологияи Маскав (МФТИ) баргузор гардида буд, дар шаҳри Москва барои иштирок ва омодагӣ дар олимпиадаи навбатӣ сафарбар гардиданд.

Гуфта мешавад, ки дарсҳои лагери омӯзишӣ 12 июл оғоз ёфта, то 19 июл идома меёбад.

Гулафшон КАРИМОВА,“ҶТ”