Тайи ду соли охир дар раванди иҷрошавии нақшаи қабул дар Донишгоҳи технологии Тоҷикистон мушкилот мушоҳида мегардад. Дар ин бора Амонзода Илҳом Темур, ректори донишгоҳ 1 феврал зимни нишасти хабарӣ ба рӯзноманигорон иттилоъ дод.

Гуфта шуд, ки соли 2023 аз рӯи 36 ихтисоси амалкунанда, ки тибқи нақша 1343 ҷой пешбинӣ гардида буд, 762 нафар донишҷӯ қабул гардид, ки 56,7 фоизро ташкил менамояд.

Аз ин рӯ, тамоми сохторҳои доришгоҳ муваззаф гардидаанд, ки омилҳои асосии интихоб нашудани ихтисосҳоеро, ки ба онҳо дар бозори дохилии меҳнат талабот вуҷуд дорад, вале аз ҷониби истеъмолкунандагони хизматрасониҳои таълимӣ пазируфта нашудаанд, таҳлил намуда, барои бартараф кардани ин мушкил тадбирҳои судманд андешанд. Яке аз чунин тадбирҳо ҷоннок намудани корҳои тарғиботӣ дар байни хатмкунандагони муассисаҳои таҳсилоти умумӣ оид ба интихоби касбҳо ва моҳияти онҳо дар бозори меҳнат арзёбӣ гардид.