МАОРИФ ВА ИЛМ
Шанбе 27 Апрел 2024 02:28
Имрӯз дар фазои орому осудаи Ватани азизамон, дар баробари дигар қишрҳои ҷомеа, ҷавонону наврасон низ бо ҳисси баланди ватандӯстӣ пайи ободониву созандагӣ қадам ниҳода, баҳри рушди касбу пешаи интихобкардаашон талош намудаистодаанд, ки ин бешак аз доштани малакаву маҳорат ва донишҳои вобаста ба соҳаашон дарак медиҳад.
Ҳангоми баргузории Форуми байналмилалии соҳибкорони ҷавон дар шаҳри Душанбе, ки 14 апрели соли ҷорӣ дар Китобхонаи миллӣ баргузор гардид, қабл аз шурӯи форум маҳсули дасти ихтироъкорону эҷодкорони ҷавон ба маърази тамошо гузошта шуд. Дар намоишгоҳ диққати бештари иштирокчиёнро маҳсули чанде аз ихтироъкорони ҷавону умедбахш ба худ ҷалб намуд, ки дар ҳақиқат арзандаи таваҷҷуҳ буданд.
Ихтироъкори аз ҳама хурдтарин Моҳҷабин Давлатқадамова, хонандаи синфи 7-уми Мактаби президентии шаҳри Хоруғ ба ҳисоб мерафт. Ӯ ду асбоби ихироънамудаи хешро пешкаши бинандагон кард, ки баҳои баланд гирифт.
Ихтирои аввалинаш Нерӯгоҳи барқӣ бо қувваи рушноӣ (офтоб) ё геотермалӣ (оби гарм ё буғ) аст.
– Ман аз корҳои тадқиқотии олимон, физикҳо ва биологҳо истифода бурда, нерӯгоҳеро пешниҳод мекунам, ки қувваи рушноиро истифода бурда, обро ба буғ табдил медиҳад. Ин буғ барои истеҳсоли нерӯи барқ ва гармкунии хонаҳо истифода бурда мешавад. Махсусан дар шароити Бадахшон”, - мегӯяд Моҳҷабин Давлатқадамова.
Ба иттилои ин ихтироъкори наврас, “ин гуна нерӯгоҳҳои барқӣ дар шароити Вилояти Мухтори Кӯҳистони Бадахшон бисёр заруранд. Гарчанде дар ин минтақа нерӯгоҳҳои барқӣ бисёранд, лекин дар фасли зимистон талаботи истеъмолкунандагонро қонеъ намекунанд. Баъзан зимистон хунук шуда, обҳо ях мекунанд ва об намерасад. Бинобар ин, дар шароити Бадахшон нерӯгоҳи барқиеро пешниҳод мекунам, ки ба фаслҳои сол вобастагӣ надорад”.
Нерӯгоҳи барқии пешниҳод кардаи Моҳҷабин метавонад, аз 1 то 3 МВТ ё зиёдтар қувваи барқ истеҳсол намояд, ки онро дар дилхоҳ маҳал истифода бурдан мумкин аст. Ин гуна нерӯгоҳро на фақат барои истеҳсоли қувваи барқ, инчунин барои гармкунонии манзилҳо ва дар хонаҳои растанипарварию мевахушккунӣ низ истифода бурдан мумкин аст.
“Огоҳкунаки беноқил” ихтирои дигари Моҳҷабин Давлатқадамова мебошад. Ин асбоб дар соҳаҳои хоҷагии қишлоқ, саноат инчунин дар соҳаи ҳарбӣ истифода бурда мешавад.
Ба таъкиди маҳҷабин, огоҳкунак дар соҳаи хоҷагии қишлоқ барои хабар додан аз офатҳои табиӣ, муҳофизати анборҳо, хонаҳо, маҳалҳои муҳофизашаванда ва дар роҳҳои хавфнок барои мондани чароғакҳои роҳнамо истифода бурда мешавад. Барои хабар кардан аз офатҳои табиӣ, ба монанди тармафароӣ, сел ва обхезӣ, асбоб метавонад якбора аз маҳалли хатарнок ба ҷойи лозимӣ, дар муддати 10-12 сония хабар диҳад. Асбоби мазкур соли 2014 дар озмуни “Техникони ҷавон” дар ҷумҳурӣ сазовори ҷойи аввал ва соли 2016 дар озмуни ҷумҳуриявии наврасон, таҳти шиори “Як қадам ба пеш”, сазовори дипломи дараҷаи дуюм гардидааст.
Моҳҷабин умед дорад, дар оянда низ бо ҷаҳду талошҳои пайваста дар роҳи ихтироъкорӣ, қадамҳои ҷиддитар гузошта, асбобе офарад, ки мувофиқ ба талаботи ҷумҳурӣ ва муаррифгари навоварони тоҷик дар арсаи байналмилалӣ бошад.
Беҳрӯз ХОЛМУРОДОВ, "ҶТ"
Ҳангоми баргузории Форуми байналмилалии соҳибкорони ҷавон дар шаҳри Душанбе, ки 14 апрели соли ҷорӣ дар Китобхонаи миллӣ баргузор гардид, қабл аз шурӯи форум маҳсули дасти ихтироъкорону эҷодкорони ҷавон ба маърази тамошо гузошта шуд. Дар намоишгоҳ диққати бештари иштирокчиёнро маҳсули чанде аз ихтироъкорони ҷавону умедбахш ба худ ҷалб намуд, ки дар ҳақиқат арзандаи таваҷҷуҳ буданд.
Ихтироъкори аз ҳама хурдтарин Моҳҷабин Давлатқадамова, хонандаи синфи 7-уми Мактаби президентии шаҳри Хоруғ ба ҳисоб мерафт. Ӯ ду асбоби ихироънамудаи хешро пешкаши бинандагон кард, ки баҳои баланд гирифт.
Ихтирои аввалинаш Нерӯгоҳи барқӣ бо қувваи рушноӣ (офтоб) ё геотермалӣ (оби гарм ё буғ) аст.
– Ман аз корҳои тадқиқотии олимон, физикҳо ва биологҳо истифода бурда, нерӯгоҳеро пешниҳод мекунам, ки қувваи рушноиро истифода бурда, обро ба буғ табдил медиҳад. Ин буғ барои истеҳсоли нерӯи барқ ва гармкунии хонаҳо истифода бурда мешавад. Махсусан дар шароити Бадахшон”, - мегӯяд Моҳҷабин Давлатқадамова.
Ба иттилои ин ихтироъкори наврас, “ин гуна нерӯгоҳҳои барқӣ дар шароити Вилояти Мухтори Кӯҳистони Бадахшон бисёр заруранд. Гарчанде дар ин минтақа нерӯгоҳҳои барқӣ бисёранд, лекин дар фасли зимистон талаботи истеъмолкунандагонро қонеъ намекунанд. Баъзан зимистон хунук шуда, обҳо ях мекунанд ва об намерасад. Бинобар ин, дар шароити Бадахшон нерӯгоҳи барқиеро пешниҳод мекунам, ки ба фаслҳои сол вобастагӣ надорад”.
Нерӯгоҳи барқии пешниҳод кардаи Моҳҷабин метавонад, аз 1 то 3 МВТ ё зиёдтар қувваи барқ истеҳсол намояд, ки онро дар дилхоҳ маҳал истифода бурдан мумкин аст. Ин гуна нерӯгоҳро на фақат барои истеҳсоли қувваи барқ, инчунин барои гармкунонии манзилҳо ва дар хонаҳои растанипарварию мевахушккунӣ низ истифода бурдан мумкин аст.
“Огоҳкунаки беноқил” ихтирои дигари Моҳҷабин Давлатқадамова мебошад. Ин асбоб дар соҳаҳои хоҷагии қишлоқ, саноат инчунин дар соҳаи ҳарбӣ истифода бурда мешавад.
Ба таъкиди маҳҷабин, огоҳкунак дар соҳаи хоҷагии қишлоқ барои хабар додан аз офатҳои табиӣ, муҳофизати анборҳо, хонаҳо, маҳалҳои муҳофизашаванда ва дар роҳҳои хавфнок барои мондани чароғакҳои роҳнамо истифода бурда мешавад. Барои хабар кардан аз офатҳои табиӣ, ба монанди тармафароӣ, сел ва обхезӣ, асбоб метавонад якбора аз маҳалли хатарнок ба ҷойи лозимӣ, дар муддати 10-12 сония хабар диҳад. Асбоби мазкур соли 2014 дар озмуни “Техникони ҷавон” дар ҷумҳурӣ сазовори ҷойи аввал ва соли 2016 дар озмуни ҷумҳуриявии наврасон, таҳти шиори “Як қадам ба пеш”, сазовори дипломи дараҷаи дуюм гардидааст.
Моҳҷабин умед дорад, дар оянда низ бо ҷаҳду талошҳои пайваста дар роҳи ихтироъкорӣ, қадамҳои ҷиддитар гузошта, асбобе офарад, ки мувофиқ ба талаботи ҷумҳурӣ ва муаррифгари навоварони тоҷик дар арсаи байналмилалӣ бошад.
Беҳрӯз ХОЛМУРОДОВ, "ҶТ"
Хабарҳои дигар
Рӯзнома
Эзоҳи худро нависед