Донишгоҳи миллии Тоҷикистон мутахассисони журналистика ва донишҷӯёни фаъоли факултети журналистикаро дар телевизиони таълимии факултет ба кор қабул мекунад.

Ин нукта имрӯз зимни нишасти хабарии ДМТ қайд карда шуд.

Бино ба гуфти Қобилҷон Хушвақтзода, ректори Донишгоҳи миллии Тоҷикистон, донишгоҳ имкон дорад, се мутахассиси журналистика ва 6 донишҷӯро аз ҳисоби факултаи журналистика ба кор ҷалб намояд. Ӯ гуфт донишҷӯёне, ки ба кор қабул мегарданд, метавонанд дар ним баст то 500-600 сомонӣ музди меҳнат гиранд.

Қобили зикр аст, ки телевизиони таълимии ДМТ моҳи июни имсол дар пояи факултаи журналистика таъсис ёфта, дорои навтарин техникаву технологияи журналистӣ мебошад.

Я. МАҲМАДНАБИЕВ, “ҶТ”