Дар Муасиссаи давлатии «Академияи воситаҳои ахбори оммаи Тоҷикистон» дарси маҳорат дар мавзӯи «Риояи меъёрҳои забони давлатӣ дар нашриёти даврӣ» барои кормандони нашрияҳои ҷумҳурӣ баргузор гардид.

Дарси маҳоратро коршиноси соҳа Рустам Ваҳҳобзода гузаронида, дар ҷараёни он аз истилоҳҳои нодурусте, ки имрузҳо дар матбуот ба назар мерасанд намунаҳои рушан оварда, баҳри бартараф сохтани нуқсонҳои ҷойдошта ибрози назар карда, истифодаи дурусти вожаҳоро пешниҳод намуданд.

Ҳамчунин таъкид шуд, ки "Меъёрҳои забонро барои мо Устод Садриддин Айнӣ таъин ва таъкид кардаанд ва имрӯз ҳам беҳтарин равиш ҳамин аст". 

Ҳадаф аз гузаронидани чунин машғулиятҳо, риояи меъёрҳои забони давлатӣ дар нигоштаҳои муаллифон мебошад. Баргузории чунин машғулиятҳо ба манфиат буда, барои беҳтар гардидани забони матбуоти тоҷик мусоидат мекунад, иброз доштанд иштирокчиён.и семинар.