СИЁСАТ
Якшанбе 28 Апрел 2024 04:59
Тавре иттилоъ додем, Президенти ҷумҳурӣ Эмомалӣ Раҳмон 16 март бо сафари расмӣ ба Амороти Муттаҳидаи Араб сафар кард.
Баррасии масоили рушду густариши муносибатҳои дӯстию ҳамкории Тоҷикистону Амороти Муттаҳидаи Араб дар мулоқоти Президенти Ҷумҳурии Тоҷикистон Эмомалӣ Раҳмон ва валиаҳди Абу Дабӣ, муовини Сарфармондеҳи олии қувваҳои мусаллаҳи Амороти Муттаҳидаи Араб, волоҳазрат Шайх Муҳаммад бин Зойид Олӣ Наҳён бо иштироки ҳайатҳои расмии ҳар ду ҷониб сурат гирифт.
“Тоҷикистон ба густариши муносибатҳои дӯстӣ ва ҳамкориҳои судманд бо Амороти Муттаҳидаи Араб таваҷҷуҳи махсус дорад ва дар маҷмуъ мо аз ҳолати имрӯзаи равобити дуҷонибаи кишварҳоямон изҳори қаноатмандӣ менамоем”, - таъкид дошт Эмомалӣ Раҳмон.
Ҷонибҳо изҳори умед намуданд, ки санадҳои нави ҳамкории зимни ин сафар имзошаванда дар соҳаҳои сиёсию амният, маориф, варзиш ва саёҳат заминаи ҳуқуқии муносиботи моро мукаммал мегардонанд.
Дар ҷараёни мулоқот масоили ҷалби сармояи хориҷӣ ҷиҳати бунёди силсилаи иншооти гуногунҳаҷми гидроэнергетикӣ, такмили инфрасохтори нақлиёт бо сохтмони роҳҳои хушкигард, пулҳо, туннелҳо ва рушди истеҳсолу коркарди маҳсулоти кишоварзӣ баррасӣ гардид.
Дар мулоқот инчунин доир ба густариши равобити илмию фарҳангӣ ва таъсиси корхонаҳои муштараки истеҳсоливу тиҷоратӣ дар соҳаҳои саноати сабуку хӯрокворӣ, коркарди сангҳои қиматбаҳою ороишӣ ва дигар масъалаҳои барои ҳар ду ҷониб судманд, гуфтугӯ сурат гирифт.
Президенти ҷумҳурӣ дар шаҳри Абу Дабӣ аз масҷиди ба номи Шайх Зойид ибн Султон Оли Наҳён боздид ба амал овард. Сарвари давлат нахуст бо нишони эҳтиром дар назди оромгоҳи Шайх Зойид, ки дар паҳлуи ҳамин масҷид ҷойгир аст, дуову фотеҳа карданд.
Ёдовар мешавем, ки зимни нахустин сафари расмӣ ба Амороти Муттаҳидаи Араб Президенти Ҷумҳурии Тоҷикистон Эмомалӣ Раҳмон соли 1995 бо асосгузори Аморот Шайх Зойид ибн Султон Оли Наҳён мулоқот карда буд.
Ба Президенти Ҷумҳурии Тоҷикистон Эмомалӣ Раҳмон иттилоъ доданд, ки масҷид соли 2007 ба ифтихори Асосгузор ва якумин Президенти Давлати Амороти Муттаҳидаи Араб Шайх Зойид ибн Султон Оли Наҳён сохта шудааст.
Президенти ҷумҳурӣ Эмомалӣ Раҳмон, ҳамчунин, бо мудири кулли ширкати «Мубодала» Халдун Халифа Ал-Муборак мулоқот кард. Дар ҷарёни мулоқот масъалаҳои рушду густариши муносибатҳои ҳамкории Тоҷикистон бо Аморот ва ширкатҳои бонуфузи ин кишвар баррасӣ гардид. “Мо стратегияи дарозмуддати рушди миллиро ба неруи мутахассисони соҳибтаҷрибаи дохилӣ ва мусоидати муассисаҳои бонуфузи байналмилалӣ таҳия ва қабул намудем, - таъкид дошт Эмомалӣ Раҳмон ва бо боварӣ иброз намуд, ки - иштироки фаъоли ширкатҳои Аморот дар татбиқи ин барнома ҷавобгӯи ҳадафҳои муштарак хоҳад буд".
Инчунин таъкид гардид, ки дар Тоҷикистон беш аз 400 барномаи гуногуни инвеститсионӣ дар соҳаҳои мухталифи иқтисод ва инфрасохтори иҷтимоӣ таҳия гардидааст ва барои ҷалби сармояи хориҷӣ заминаҳо бо имконияту афзалиятҳои мусоид мавҷуд аст.
“Мо ҳавасманди ҳамкории шарикии дарозмуддат ба манфиати ҷонибҳо ҳастем”, - таъкид намуд дар навбати худ мудири кулли ширкати «Мубодала» Халдун Халифа Ал-Муборак ва илова кард, ки ба наздикӣ як ҳайати бонуфузи ҳукуматӣ таҳти сарварии вазири иқтисоди Аморот барои омӯзиши имкониятҳои мавҷуда ба Тоҷикистон сафар мекунад. Баъди шиносоӣ имкон пайдо мегардад, ки барои муайян кардани самтҳои афзалиятноки ҳамкории минбаъдаи ду кишвар барномаи махсус таҳия ва татбиқ карда шавад.
Ҷонибҳо дар ҷараёни вохӯрӣ масъалаҳои рушди ҳамкориҳоро дар бахшҳои ояндадор, аз қабили гидроэнергетика, таъсиси корхонаҳои коркарди маҳсулоти кишоварзӣ, содироти хушкмева, сабзавоти тару тоза, бунёди инфрасохтору рушди соҳаи туризм, истифодаи пурсамари имкониятҳои минтақаҳои озоди иқтисодӣ, баҳрабардорӣ аз захираҳои бузурги сангҳои қиматбаҳо, металҳои ранга, ашёи хоми стратегӣ ва дигар неъматҳои моддии Тоҷикистонро баррасӣ карданд.
Зимни мулоқот, инчунин вобаста ба дигар мавзуъҳои барои тарафҳо манфиатбахш гуфтугӯи судманд сурат гирифт.
Нимаи дуюми рӯзи 16 март Президенти ҷумҳурӣ Эмомалӣ Раҳмон дар шаҳри Абу Дабӣ бо мудири кулли Муассисаи хайриявии Халифа бин Зойид Олӣ Наҳён оид ба корҳои башардӯстона Муҳаммад Ҳоҷӣ Ал-Хурӣ мулоқот кард. Дар ҷараёни мулоқот масоили ҳамкории Ҳукумати Тоҷикистон бо ниҳодҳои мухталифи Аморот баррасӣ гардид.
“Аз мулоқоти дӯстона ва созанда бо Шумо қаноатмандам ва умедворам, ки мо муколамаи неку хайрхоҳонаи худро дар Тоҷикистон бо татбиқи лоиҳаҳои гуногун идома хоҳем дод”, - таъкид дошт Президенти Ҷумҳурии Тоҷикистон Эмомалӣ Раҳмон.
Сарвари давлат ба роҳбарияти Муассисаи хайриявии Халифа бин Зойид Олӣ Наҳён оид ба корҳои башардӯстона, ки барои бартараф кардани оқибатҳои офати табиӣ дар Вилояти Мухтори Куҳистони Бадахшони Тоҷикистон кӯмаки беғаразона расондааст, изҳори сипос кард.
Ҷонибҳо оид ба имконоти васеи таҳкиму тавсеаи ҳамкориҳои барои тарафҳо манфиатбахш, мусоидати дӯстона ва башардӯстонаи Аморот баҳри пешрафти иқтисоди кишвари мо, истифодаи захираҳои бузурги табиӣ, илмӣ-техникӣ ва инсонии Тоҷикистон, татбиқи барномаҳои стратегии иқтисодӣ бо ҷалби сармояи ин давлати дӯст изҳори ҳавасмандӣ карданд.
Дар ҷараёни мулоқот инчунин имконоти дигари маблағгузорӣ барои амалӣ кардани лоиҳаҳои бунёди неругоҳҳои гуногуниқтидори барқи обӣ, барномаҳои рушди соҳаҳои саноати ранга, сабук ва хурокворӣ, сохтмон, кишоварзӣ, коммуникатсия, бонкдорӣ, рушди туризм ва маорифу тандурустӣ низ судовар маънидод гардид.
17 март Президенти Ҷумҳурии Тоҷикистон Эмомалӣ Раҳмон мудири кулли Фонди Абу Дабӣ оид ба рушд Муҳаммад Сайф ал Сувейдиро ба ҳузур пазируфт. Дар ҷараёни мулоқот дурнамои ҳамкории Тоҷикистону Аморот дар бахшҳои мухталиф баррасӣ гардид.
“Мо аз оғози истиқлол ба эҳё ва густариши равобиту ҳамкории васеъ бо кишварҳои араб, ки Амороти Муттаҳидаи Араб аз ҷумлаи пешсафони онҳост, таваҷҷуҳи хоса зоҳир менамоем”, - таъкид дошт дар оғози суҳбат Эмомалӣ Раҳмон.
Ҷонибҳо дар ҷараёни мулоқот пеш аз ҳама оид ба дарёфти роҳҳои наву афзалиятноки таҳкиму тавсеи муносибатҳо, имконоти рушду густариши ҳамкорӣ, истифодаи захираҳои бойи табиии Тоҷикистон, иштироки Фонди Абу Дабӣ оид ба рушд дар таҳияву татбиқи лоиҳаҳои дорои дурнамои судовар табодули андеша карданд.
Ба андешаи Президенти Ҷумҳурии Тоҷикистон Ҳукумати мамлакат барои ҷалби сармояи мустақими хориҷӣ дар доираи сиёсати дарҳои боз тамоми заминаҳои меъёрию ҳуқуқиро бо афзалиятҳо фароҳам овардааст. Ин имкон медиҳад, ки ширкатҳои хориҷӣ, аз ҷумла муассисаҳои молиявию кӯмакрасони Аморот ҳар чи бештар бо сармояи хеш дар амалӣ кардани барномаҳо ва баҳрабардорӣ аз татбиқи онҳо иштироки фаъол дошта бошанд.
Таъкид гардид, ки айни ҳол дар Тоҷикистон 14 корхонаи муштарак бо Аморот ба қайд гирифта шудааст ва ҳаҷми гардиши мол бо дарназардошти тамоми имкону захираҳо ба талаботи рӯз ҷавобгу нест. Бинобар ин, зарур шуморида шуд, ки ба хотири густариши муносибатҳои мутақобилан судманди тиҷоратию иқтисодӣ як силсила иқдомҳои ҳадафманд дар самти истихроҷу коркарди маъданҳои кӯҳӣ, саноати сабук ва хӯрокворӣ, бунёди неругоҳҳои хурду миёнаи барқи обӣ ва такмили инфрасохтори нақлиётӣ анҷом дода шаванд.
17 март Президенти ҷумҳурӣ Эмомалӣ Раҳмон дар доираи сафари расмӣ ба Амороти Муттаҳидаи Араб ба шаҳри Дубай низ рафт. Дар назди қароргоҳи Сарвазири Аморот Сарвари давлат Эмомалӣ Раҳмонро ноиби Президенти давлати Амороти Муттаҳидаи Араб, Сарвазири Аморот, Ҳокими шаҳри Дубай, Вазири мудофиа, волоҳазрат Шайх Муҳаммад бин Рашид Оли Мактум истиқбол гирифт.
Масоили дурнамои ҳамкориҳои гуногунҷанбаи Тоҷикистону Аморот дар мулоқоти хосаи Эмомалӣ Раҳмон ва Шайх Муҳаммад бин Рашид Оли Мактум ва бо иштироки ҳайатҳои расмии ҳар ду ҷониб баррасӣ гардид.
“Мулоқоту вохӯриҳои имрӯзаро фурсати муносибе барои баррасии ҳолати кунуниву дурнамои муносибатҳои байни кишварҳоямон медонем ва умедворем, ки натиҷаҳои он ба муносибатҳои судманду хайрхоҳонаи байни Тоҷикистон ва Давлати Амороти Муттаҳидаи Араб тобишу такони тоза хоҳанд бахшид”, - таъкид дошт Президенти Ҷумҳурии Тоҷикистон.
Ҳар ду ҷониб бо он ҳамақида буданд, ки барои рушди бахшҳои энергетика ва об, нақлиёт, коркарди маҳсулоти кишоварзӣ, саноати сабук ва истихроҷи маъдан имкониятҳои зиёде вуҷуд дорад.
Тавсеаи ҳамкориҳо дар ҷодаи бонкдорӣ, дастгирии соҳибкории хурду миёна, ташкили корхонаҳои муштараки шаклҳои гуногуни фаъолият, сайёҳӣ ва муҳоҷирати меҳнатӣ низ зарур шумурда шуд. Сармоягузорӣ дар бахшҳои бунёдӣ ва воқеии иқтисодиёт лоиҳаҳои сохтмони нерӯгоҳҳои барқи обии гуногуниқтидор ва нақшаҳои хурду бузурги инфрасохторӣ ва нақлиётию коммуникатсионӣ аз дурнамои неки ҳамкориҳо маънидод гардид.
Ҷонибҳо зимни баррасии масоили ҳамкорӣ, инчунин вобаста ба таъсири омилҳои беруна ба иқтисодиёти кишварҳо, вазъи зудтағйирёбандаи ҷаҳони муосир, таъмини амнияти минтақа, дарёфти роҳҳои ҳалли як қатор мушкилоти глобалӣ андешаронӣ карданд.
Пас аз анҷоми мулоқоту музокирот байни ҳайатҳои воломақоми Тоҷикистону Аморот маросими имзои санадҳо баргузор гардид.
Мавриди зикр аст, ки заминаи ҳуқуқии муносиботи кишварҳоро 12 санади муҳим танзим мекард ва имрӯз маҷмӯи нави ҳуҷҷатҳои ҳамкориҳои дуҷониба дар соҳаҳои мавриди таваҷҷуҳи тарафайн, аз ҷумла илму маориф, варзишу саёҳат, амният ва дин ба имзо расиданд.
Санадҳои нави ҳамкорӣ бо чунин тартиб имзо шуд:
- Изҳороти муштарак оид ба густариши ҳамкории шарикӣ байни Ҷумҳурии Тоҷкистон ва Амороти Муттаҳидаи Араб,
- Созишнома байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб оид ба ҳамкорӣ дар соҳаи амният ва мубориза бо терроризм,
- Созишнома байни Ҷумҳурии Тоҷикистон ва Давлати Амороти Муттаҳидаи Араб оид ба интиқоли маҳкумшудагон,
- Ёддошти тафоҳум оид ба машваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва ҳамкориҳои байналмилалии Амороти Муттаҳидаи Араб;
- Ёддошти тафоҳум байни Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Шӯрои миллии сайёҳӣ ва осори қадимаи Амороти Муттаҳидаи Араб оид ба ҳамкорӣ дар соҳаи сайёҳӣ,
- Ёддошти тафоҳум байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб оид ба ҳамкорӣ дар соҳаи таҳсилоти олӣ ва тадқиқоти илмӣ.
Пас аз анҷоми музокирот ва имзои созишномаҳои нави ҳамкорӣ изҳороти муштараки Президенти Ҷумҳурии Тоҷикистон Эмомалӣ Раҳмон ва ноиби Президенти давлати Амороти Муттаҳидаи Араб, Сарвазири Аморот, Ҳокими шаҳри Дубай, вазири мудофиа, волоҳазрат Шайх Муҳаммад бин Рашид Оли Мактум оид ба густариши ҳамкории шарикии Ҷумҳурии Тоҷикистон ва Давлати Амороти Муттаҳидаи Араб қабул гардид.
Ҳамчунин, дар шаҳри Абу Дабии Амороти Муттаҳидаи Араб дар ҳузури вазири корҳои хориҷии Ҷумҳурии Тоҷикистон Сироҷиддин Аслов ва вазири энергетикаи Давлати Амороти Муттаҳидаи Араб Суҳейл Муҳаммад Ал Мазруӣ ду созишнома:
- Ёддошти тафоҳум байни Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Кумитаи сарпарастии ҷавонони Амороти Муттаҳидаи Араб оид ба ҳамкорӣ дар соҳаи варзиш;
- Ёддошти тафоҳум оид ба ҳамкорӣ байни Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон ва Кумитаи умури исломӣ ва авқофи Амороти Муттаҳидаи Араб ба имзо расид.
Дар шаҳри Абу Дабӣ Президенти ҷумҳурӣ Эмомалӣ Раҳмон дар вазъияти тантанавӣ бинои нави Сафорати Ҷумҳурии Тоҷикистон дар Амороти Муттаҳидаи Арабро ифтитоҳ намуд. Бинои сафорат дар шаҳраки намояндагони корпусҳои дипломатии Абу Дабӣ бунёд шуда, ба талаботи рӯз ҷавобгӯст.
Иттилоъ дода шуд, ки дар паҳлуи бинои сафорат як иморати дигари дуошёна бо шароити мусоиди зист барои кормандон сохта шудааст. Ин тадбир имкон фароҳам меорад, ки масъалаи таъмини манзили зисти намояндагони сафорат ҳам ҳал гардад.
Баъди ифтитоҳи бинои Сафорат Президенти мамлакат Эмомалӣ Раҳмон бо ҳозирин, намояндагони корпусҳои дипломатии муқими Абу Дабӣ ва ҳамватанони мо, ки дар аморот кору зиндагӣ мекунанд, мулоқоту суҳбати самимӣ доир кард.
Баррасии масоили рушду густариши муносибатҳои дӯстию ҳамкории Тоҷикистону Амороти Муттаҳидаи Араб дар мулоқоти Президенти Ҷумҳурии Тоҷикистон Эмомалӣ Раҳмон ва валиаҳди Абу Дабӣ, муовини Сарфармондеҳи олии қувваҳои мусаллаҳи Амороти Муттаҳидаи Араб, волоҳазрат Шайх Муҳаммад бин Зойид Олӣ Наҳён бо иштироки ҳайатҳои расмии ҳар ду ҷониб сурат гирифт.
“Тоҷикистон ба густариши муносибатҳои дӯстӣ ва ҳамкориҳои судманд бо Амороти Муттаҳидаи Араб таваҷҷуҳи махсус дорад ва дар маҷмуъ мо аз ҳолати имрӯзаи равобити дуҷонибаи кишварҳоямон изҳори қаноатмандӣ менамоем”, - таъкид дошт Эмомалӣ Раҳмон.
Ҷонибҳо изҳори умед намуданд, ки санадҳои нави ҳамкории зимни ин сафар имзошаванда дар соҳаҳои сиёсию амният, маориф, варзиш ва саёҳат заминаи ҳуқуқии муносиботи моро мукаммал мегардонанд.
Дар ҷараёни мулоқот масоили ҷалби сармояи хориҷӣ ҷиҳати бунёди силсилаи иншооти гуногунҳаҷми гидроэнергетикӣ, такмили инфрасохтори нақлиёт бо сохтмони роҳҳои хушкигард, пулҳо, туннелҳо ва рушди истеҳсолу коркарди маҳсулоти кишоварзӣ баррасӣ гардид.
Дар мулоқот инчунин доир ба густариши равобити илмию фарҳангӣ ва таъсиси корхонаҳои муштараки истеҳсоливу тиҷоратӣ дар соҳаҳои саноати сабуку хӯрокворӣ, коркарди сангҳои қиматбаҳою ороишӣ ва дигар масъалаҳои барои ҳар ду ҷониб судманд, гуфтугӯ сурат гирифт.
Президенти ҷумҳурӣ дар шаҳри Абу Дабӣ аз масҷиди ба номи Шайх Зойид ибн Султон Оли Наҳён боздид ба амал овард. Сарвари давлат нахуст бо нишони эҳтиром дар назди оромгоҳи Шайх Зойид, ки дар паҳлуи ҳамин масҷид ҷойгир аст, дуову фотеҳа карданд.
Ёдовар мешавем, ки зимни нахустин сафари расмӣ ба Амороти Муттаҳидаи Араб Президенти Ҷумҳурии Тоҷикистон Эмомалӣ Раҳмон соли 1995 бо асосгузори Аморот Шайх Зойид ибн Султон Оли Наҳён мулоқот карда буд.
Ба Президенти Ҷумҳурии Тоҷикистон Эмомалӣ Раҳмон иттилоъ доданд, ки масҷид соли 2007 ба ифтихори Асосгузор ва якумин Президенти Давлати Амороти Муттаҳидаи Араб Шайх Зойид ибн Султон Оли Наҳён сохта шудааст.
Президенти ҷумҳурӣ Эмомалӣ Раҳмон, ҳамчунин, бо мудири кулли ширкати «Мубодала» Халдун Халифа Ал-Муборак мулоқот кард. Дар ҷарёни мулоқот масъалаҳои рушду густариши муносибатҳои ҳамкории Тоҷикистон бо Аморот ва ширкатҳои бонуфузи ин кишвар баррасӣ гардид. “Мо стратегияи дарозмуддати рушди миллиро ба неруи мутахассисони соҳибтаҷрибаи дохилӣ ва мусоидати муассисаҳои бонуфузи байналмилалӣ таҳия ва қабул намудем, - таъкид дошт Эмомалӣ Раҳмон ва бо боварӣ иброз намуд, ки - иштироки фаъоли ширкатҳои Аморот дар татбиқи ин барнома ҷавобгӯи ҳадафҳои муштарак хоҳад буд".
Инчунин таъкид гардид, ки дар Тоҷикистон беш аз 400 барномаи гуногуни инвеститсионӣ дар соҳаҳои мухталифи иқтисод ва инфрасохтори иҷтимоӣ таҳия гардидааст ва барои ҷалби сармояи хориҷӣ заминаҳо бо имконияту афзалиятҳои мусоид мавҷуд аст.
“Мо ҳавасманди ҳамкории шарикии дарозмуддат ба манфиати ҷонибҳо ҳастем”, - таъкид намуд дар навбати худ мудири кулли ширкати «Мубодала» Халдун Халифа Ал-Муборак ва илова кард, ки ба наздикӣ як ҳайати бонуфузи ҳукуматӣ таҳти сарварии вазири иқтисоди Аморот барои омӯзиши имкониятҳои мавҷуда ба Тоҷикистон сафар мекунад. Баъди шиносоӣ имкон пайдо мегардад, ки барои муайян кардани самтҳои афзалиятноки ҳамкории минбаъдаи ду кишвар барномаи махсус таҳия ва татбиқ карда шавад.
Ҷонибҳо дар ҷараёни вохӯрӣ масъалаҳои рушди ҳамкориҳоро дар бахшҳои ояндадор, аз қабили гидроэнергетика, таъсиси корхонаҳои коркарди маҳсулоти кишоварзӣ, содироти хушкмева, сабзавоти тару тоза, бунёди инфрасохтору рушди соҳаи туризм, истифодаи пурсамари имкониятҳои минтақаҳои озоди иқтисодӣ, баҳрабардорӣ аз захираҳои бузурги сангҳои қиматбаҳо, металҳои ранга, ашёи хоми стратегӣ ва дигар неъматҳои моддии Тоҷикистонро баррасӣ карданд.
Зимни мулоқот, инчунин вобаста ба дигар мавзуъҳои барои тарафҳо манфиатбахш гуфтугӯи судманд сурат гирифт.
Нимаи дуюми рӯзи 16 март Президенти ҷумҳурӣ Эмомалӣ Раҳмон дар шаҳри Абу Дабӣ бо мудири кулли Муассисаи хайриявии Халифа бин Зойид Олӣ Наҳён оид ба корҳои башардӯстона Муҳаммад Ҳоҷӣ Ал-Хурӣ мулоқот кард. Дар ҷараёни мулоқот масоили ҳамкории Ҳукумати Тоҷикистон бо ниҳодҳои мухталифи Аморот баррасӣ гардид.
“Аз мулоқоти дӯстона ва созанда бо Шумо қаноатмандам ва умедворам, ки мо муколамаи неку хайрхоҳонаи худро дар Тоҷикистон бо татбиқи лоиҳаҳои гуногун идома хоҳем дод”, - таъкид дошт Президенти Ҷумҳурии Тоҷикистон Эмомалӣ Раҳмон.
Сарвари давлат ба роҳбарияти Муассисаи хайриявии Халифа бин Зойид Олӣ Наҳён оид ба корҳои башардӯстона, ки барои бартараф кардани оқибатҳои офати табиӣ дар Вилояти Мухтори Куҳистони Бадахшони Тоҷикистон кӯмаки беғаразона расондааст, изҳори сипос кард.
Ҷонибҳо оид ба имконоти васеи таҳкиму тавсеаи ҳамкориҳои барои тарафҳо манфиатбахш, мусоидати дӯстона ва башардӯстонаи Аморот баҳри пешрафти иқтисоди кишвари мо, истифодаи захираҳои бузурги табиӣ, илмӣ-техникӣ ва инсонии Тоҷикистон, татбиқи барномаҳои стратегии иқтисодӣ бо ҷалби сармояи ин давлати дӯст изҳори ҳавасмандӣ карданд.
Дар ҷараёни мулоқот инчунин имконоти дигари маблағгузорӣ барои амалӣ кардани лоиҳаҳои бунёди неругоҳҳои гуногуниқтидори барқи обӣ, барномаҳои рушди соҳаҳои саноати ранга, сабук ва хурокворӣ, сохтмон, кишоварзӣ, коммуникатсия, бонкдорӣ, рушди туризм ва маорифу тандурустӣ низ судовар маънидод гардид.
17 март Президенти Ҷумҳурии Тоҷикистон Эмомалӣ Раҳмон мудири кулли Фонди Абу Дабӣ оид ба рушд Муҳаммад Сайф ал Сувейдиро ба ҳузур пазируфт. Дар ҷараёни мулоқот дурнамои ҳамкории Тоҷикистону Аморот дар бахшҳои мухталиф баррасӣ гардид.
“Мо аз оғози истиқлол ба эҳё ва густариши равобиту ҳамкории васеъ бо кишварҳои араб, ки Амороти Муттаҳидаи Араб аз ҷумлаи пешсафони онҳост, таваҷҷуҳи хоса зоҳир менамоем”, - таъкид дошт дар оғози суҳбат Эмомалӣ Раҳмон.
Ҷонибҳо дар ҷараёни мулоқот пеш аз ҳама оид ба дарёфти роҳҳои наву афзалиятноки таҳкиму тавсеи муносибатҳо, имконоти рушду густариши ҳамкорӣ, истифодаи захираҳои бойи табиии Тоҷикистон, иштироки Фонди Абу Дабӣ оид ба рушд дар таҳияву татбиқи лоиҳаҳои дорои дурнамои судовар табодули андеша карданд.
Ба андешаи Президенти Ҷумҳурии Тоҷикистон Ҳукумати мамлакат барои ҷалби сармояи мустақими хориҷӣ дар доираи сиёсати дарҳои боз тамоми заминаҳои меъёрию ҳуқуқиро бо афзалиятҳо фароҳам овардааст. Ин имкон медиҳад, ки ширкатҳои хориҷӣ, аз ҷумла муассисаҳои молиявию кӯмакрасони Аморот ҳар чи бештар бо сармояи хеш дар амалӣ кардани барномаҳо ва баҳрабардорӣ аз татбиқи онҳо иштироки фаъол дошта бошанд.
Таъкид гардид, ки айни ҳол дар Тоҷикистон 14 корхонаи муштарак бо Аморот ба қайд гирифта шудааст ва ҳаҷми гардиши мол бо дарназардошти тамоми имкону захираҳо ба талаботи рӯз ҷавобгу нест. Бинобар ин, зарур шуморида шуд, ки ба хотири густариши муносибатҳои мутақобилан судманди тиҷоратию иқтисодӣ як силсила иқдомҳои ҳадафманд дар самти истихроҷу коркарди маъданҳои кӯҳӣ, саноати сабук ва хӯрокворӣ, бунёди неругоҳҳои хурду миёнаи барқи обӣ ва такмили инфрасохтори нақлиётӣ анҷом дода шаванд.
17 март Президенти ҷумҳурӣ Эмомалӣ Раҳмон дар доираи сафари расмӣ ба Амороти Муттаҳидаи Араб ба шаҳри Дубай низ рафт. Дар назди қароргоҳи Сарвазири Аморот Сарвари давлат Эмомалӣ Раҳмонро ноиби Президенти давлати Амороти Муттаҳидаи Араб, Сарвазири Аморот, Ҳокими шаҳри Дубай, Вазири мудофиа, волоҳазрат Шайх Муҳаммад бин Рашид Оли Мактум истиқбол гирифт.
Масоили дурнамои ҳамкориҳои гуногунҷанбаи Тоҷикистону Аморот дар мулоқоти хосаи Эмомалӣ Раҳмон ва Шайх Муҳаммад бин Рашид Оли Мактум ва бо иштироки ҳайатҳои расмии ҳар ду ҷониб баррасӣ гардид.
“Мулоқоту вохӯриҳои имрӯзаро фурсати муносибе барои баррасии ҳолати кунуниву дурнамои муносибатҳои байни кишварҳоямон медонем ва умедворем, ки натиҷаҳои он ба муносибатҳои судманду хайрхоҳонаи байни Тоҷикистон ва Давлати Амороти Муттаҳидаи Араб тобишу такони тоза хоҳанд бахшид”, - таъкид дошт Президенти Ҷумҳурии Тоҷикистон.
Ҳар ду ҷониб бо он ҳамақида буданд, ки барои рушди бахшҳои энергетика ва об, нақлиёт, коркарди маҳсулоти кишоварзӣ, саноати сабук ва истихроҷи маъдан имкониятҳои зиёде вуҷуд дорад.
Тавсеаи ҳамкориҳо дар ҷодаи бонкдорӣ, дастгирии соҳибкории хурду миёна, ташкили корхонаҳои муштараки шаклҳои гуногуни фаъолият, сайёҳӣ ва муҳоҷирати меҳнатӣ низ зарур шумурда шуд. Сармоягузорӣ дар бахшҳои бунёдӣ ва воқеии иқтисодиёт лоиҳаҳои сохтмони нерӯгоҳҳои барқи обии гуногуниқтидор ва нақшаҳои хурду бузурги инфрасохторӣ ва нақлиётию коммуникатсионӣ аз дурнамои неки ҳамкориҳо маънидод гардид.
Ҷонибҳо зимни баррасии масоили ҳамкорӣ, инчунин вобаста ба таъсири омилҳои беруна ба иқтисодиёти кишварҳо, вазъи зудтағйирёбандаи ҷаҳони муосир, таъмини амнияти минтақа, дарёфти роҳҳои ҳалли як қатор мушкилоти глобалӣ андешаронӣ карданд.
Пас аз анҷоми мулоқоту музокирот байни ҳайатҳои воломақоми Тоҷикистону Аморот маросими имзои санадҳо баргузор гардид.
Мавриди зикр аст, ки заминаи ҳуқуқии муносиботи кишварҳоро 12 санади муҳим танзим мекард ва имрӯз маҷмӯи нави ҳуҷҷатҳои ҳамкориҳои дуҷониба дар соҳаҳои мавриди таваҷҷуҳи тарафайн, аз ҷумла илму маориф, варзишу саёҳат, амният ва дин ба имзо расиданд.
Санадҳои нави ҳамкорӣ бо чунин тартиб имзо шуд:
- Изҳороти муштарак оид ба густариши ҳамкории шарикӣ байни Ҷумҳурии Тоҷкистон ва Амороти Муттаҳидаи Араб,
- Созишнома байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб оид ба ҳамкорӣ дар соҳаи амният ва мубориза бо терроризм,
- Созишнома байни Ҷумҳурии Тоҷикистон ва Давлати Амороти Муттаҳидаи Араб оид ба интиқоли маҳкумшудагон,
- Ёддошти тафоҳум оид ба машваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва ҳамкориҳои байналмилалии Амороти Муттаҳидаи Араб;
- Ёддошти тафоҳум байни Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Шӯрои миллии сайёҳӣ ва осори қадимаи Амороти Муттаҳидаи Араб оид ба ҳамкорӣ дар соҳаи сайёҳӣ,
- Ёддошти тафоҳум байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб оид ба ҳамкорӣ дар соҳаи таҳсилоти олӣ ва тадқиқоти илмӣ.
Пас аз анҷоми музокирот ва имзои созишномаҳои нави ҳамкорӣ изҳороти муштараки Президенти Ҷумҳурии Тоҷикистон Эмомалӣ Раҳмон ва ноиби Президенти давлати Амороти Муттаҳидаи Араб, Сарвазири Аморот, Ҳокими шаҳри Дубай, вазири мудофиа, волоҳазрат Шайх Муҳаммад бин Рашид Оли Мактум оид ба густариши ҳамкории шарикии Ҷумҳурии Тоҷикистон ва Давлати Амороти Муттаҳидаи Араб қабул гардид.
Ҳамчунин, дар шаҳри Абу Дабии Амороти Муттаҳидаи Араб дар ҳузури вазири корҳои хориҷии Ҷумҳурии Тоҷикистон Сироҷиддин Аслов ва вазири энергетикаи Давлати Амороти Муттаҳидаи Араб Суҳейл Муҳаммад Ал Мазруӣ ду созишнома:
- Ёддошти тафоҳум байни Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Кумитаи сарпарастии ҷавонони Амороти Муттаҳидаи Араб оид ба ҳамкорӣ дар соҳаи варзиш;
- Ёддошти тафоҳум оид ба ҳамкорӣ байни Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон ва Кумитаи умури исломӣ ва авқофи Амороти Муттаҳидаи Араб ба имзо расид.
Дар шаҳри Абу Дабӣ Президенти ҷумҳурӣ Эмомалӣ Раҳмон дар вазъияти тантанавӣ бинои нави Сафорати Ҷумҳурии Тоҷикистон дар Амороти Муттаҳидаи Арабро ифтитоҳ намуд. Бинои сафорат дар шаҳраки намояндагони корпусҳои дипломатии Абу Дабӣ бунёд шуда, ба талаботи рӯз ҷавобгӯст.
Иттилоъ дода шуд, ки дар паҳлуи бинои сафорат як иморати дигари дуошёна бо шароити мусоиди зист барои кормандон сохта шудааст. Ин тадбир имкон фароҳам меорад, ки масъалаи таъмини манзили зисти намояндагони сафорат ҳам ҳал гардад.
Баъди ифтитоҳи бинои Сафорат Президенти мамлакат Эмомалӣ Раҳмон бо ҳозирин, намояндагони корпусҳои дипломатии муқими Абу Дабӣ ва ҳамватанони мо, ки дар аморот кору зиндагӣ мекунанд, мулоқоту суҳбати самимӣ доир кард.
Хабарҳои дигар
Рӯзнома
Эзоҳи худро нависед