СИЁСАТ
Ҷумъа 12 Август 2022 07:59
7364
24 сентябр дар Донишгоҳи славянии Руссияу Тоҷикистон ҳамоиши ҷавонону варзишгарони шаҳри Душанбе вобаста ба ҷонибдорӣ аз номзадии муҳтарам Эмомалӣ Раҳмон ба мансаби Президенти Ҷумҳурии Тоҷикистон доир гардид.

Ин ҳамоиш аз ҷониби Иттифоқи ҷавонони Тоҷикистон баргузор гашта, дар он муовини раиси шаҳри Душанбе Мавсума Муинӣ, муовини раиси Иттифоқи ҷавонон Назарзода Ризо Шодӣ, мудири бахши кор бо ҷавонони раёсати кор бо ҷавонон ва варзиши шаҳри Душанбе Маҳкамбой Гулов, вакилони маҷлиси вакилони халқи ноҳияи Сино ва ҷавонони фаъолу донишҷуёну омӯзгорони донишгоҳ ширкат доштанд.

Нахуст Мавсума Муинӣ, муовини раиси шаҳри Душанбе суханронӣ намуда, аз дастгириҳои президенти кишвар Эмомалӣ Раҳмон ва дастовардҳои чанд соли ахир дар кишвар ёдовар гардид. Ҳамчунин ӯ ҷавононро нерӯи созандаи кишвар ном бурда, ба эшон муроҷиат намуд, ки дар интихоботи президентӣ иштироки фаъол дошта бошанд. Аз ҷумла зикр кард, ки мо итминони комил дорем ки ҷавонони имрӯза бо тафаккури солим ва дарки баланду фаҳмиши сиёсӣ номзади арзандаи хешро интихоб хоҳанд кард.

Назарзода Ризо низ зимни суханронӣ вазъи дирӯзу имрӯзи кишварро муқоиса намуда, дар рушду инкишофи Тоҷикистон саҳми муҳтарам Эмомалӣ Раҳмонро бузург арзёбӣ намуд.
Дар идомаи чорабинӣ аз номи кулли ҷавондухтарони шаҳри Душанбе- Дилноза Қаюмова суханронӣ намуда, бо иродаи комил ва ҳисси баланди худшиносӣ иштирок намудани ҷавонон ва барои ҳафт соли минбаъда интихоб намудани номзади арзандаро таъкид намуданд.

Дар анҷом барои ҳозирин аз ҷониби раёсати кор бо ҷавонон ва варзиш дар ҳамкорӣ бо раёсати фарҳанги шаҳри Душанбе барномаи фарҳангӣ пешниҳод шуд.

Сайёра ШУКУРЗОДА, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Август 2022 c.