СИЁСАТ
Якшанбе 28 Апрел 2024 12:53
МУАЛЛИФ: ХУРШЕД МАВЛОНОВ
16-уми январ бо даъвати Ҳизби Халқии Демократии Тоҷикистон як ҳайати бонуфуз аз мақомоти ҳизбию ҳукуматии Ҷумҳурии Халқии Хитой таҳти роҳбарии муовини котиби генералии Кумитаи доимии умумихитоии намояндагони мардумӣ, ҷаноби Шен Чуняо ба Тоҷикистон ташриф оварданд.
17 январ дар Китобхонаи миллии Тоҷикистон ҳайати намояндагони Ҳизби коммунисти Хитой бо муовини якуми раиси Ҳизби Халқии Демократии Тоҷикистон Саидмурод Фаттоҳзода мулоқот карданд. Ба гуфтаи С. Фаттоҳзода тайи чанд соли даврони соҳибистиқлолии Ҷумҳурии Тоҷикистон робитаҳои дипломатӣ, иқтисодӣ ва тиҷоратию низомӣ байни Тоҷикистону Хитой ҳамаҷониба тавсеа ёфта истодааст: “Бо кӯмакҳои молиявии Хитой даҳҳо иншооти таъйиноти иқтисодию иҷтимоӣ ва фарҳангию варзишӣ сохта шуданду шуда истодаанд. Махсусан муомилоти молу маҳсулот миёни ду кишвар баъди кушода шудани роҳи автомобилгарди Кулма-Қароқурум афзоиш ёфт. Кишоварзони Хитой намудҳои нави кишту парвариши зироатҳои гуногунро дар заминҳои Тоҷикистон роҳандозӣ намуда, ба деҳқонони тоҷик роҳҳо ва технологияҳои наву муосири нигоҳубини зироатҳоро меомӯзонанд ва муштаракан ҳосили фаровон ба даст меоранд. Дар баробари ин ҳамкориҳо табиист, ки садҳо ҷойи кори нав муҳайё шуда истодааст”, - гуфт С. Фаттоҳзода.
Муовини котиби генералии Кумитаи доимии умумихитоии намояндагони мардумӣ Шен Чуняо низ суханронӣ намуда, иброз доштааст, ки: “Ман ҳам аз он қаноатманд ҳастам, ки робитаҳо миёни Ҷумҳурии Халқии Хитой ва Тоҷикистон сол то сол густариш пайдо карда истодааст. Мо қариб дар кулли масоили байналмилалӣ, минтақавӣ, аз ҷумла кишвари ҳамсояи мо - Афғонистон, терроризми байналхалқӣ, ҷанҷолҳои баъзе кишварҳо, давлати худхондаи исломии Шому Ироқ ва ғайра мавқеи муштарак дорем. Дар созмонҳои ҷаҳонӣ, бо шумули СММ ва Созмони ҳамкориҳои Шанхай узвияти якҷоя дорем. Дар татбиқи лоиҳаҳои калони иқтисодӣ, Роҳи бузурги Абрешим, як камарбанду як роҳ ва амалӣ гардондани дигар нақшаҳо ҳамкории зич дорем. Чуноне ки дар ин ҷо зикр гардид, назар ба имкониятҳои молиявиамон мо бо Тоҷикистони ҳамсоя дар соҳаҳои мухталиф ҳамкорӣ намуда, барои бунёди иншооти таъйиноти гуногун сармоягузорӣ мекунем”.
Имрӯз, 18 январ, дар Кохи “Афсарон” зимни нишасти матбуотӣ Шен Чуняо ба намояндагони ВАО дар бораи Анҷумани 18 Ҳизби коммунисти Хитой, раванди татбиқи қарорҳои он, Пленуми шашуми ҲКХ, омодагиҳо барои Анҷумани 19 ҲКХ, ислоҳоти бахшҳои иқтисодӣ, сиёсӣ, иҷтимоӣ ва амалӣ шудани консепсияҳои қабулшуда маълумоти муфассал дод. Аз ҷумла, зикр намуд, ки: “Фаъолияти ҳизбию ҳукуматии мо дар 6 самт амалӣ шуда истодааст. Инҳо дар бахши идеологӣ, интизоми қавии дохилиҳизбӣ, тарбияи кадрҳо, сифати корҳо ва ғайра мебошанд. Ҳизби коммунисти Хитой, ки шумораи аъзои он ба 88 миллион нафар мерасад, аз уҳдаи иҷрои ҳама гуна корҳо ва ҳалли мушкилот мебарояд. Беҳуда нест, ки он мамлакатеро идора мекунад, ки дорои 1,3 миллиард аҳолӣ аст. Бо ин нерӯ мо аз ҷиҳати тавоноӣ ва иқтидори иқтисодӣ ба зинаҳои аввал баромада истодаем”.
16-уми январ бо даъвати Ҳизби Халқии Демократии Тоҷикистон як ҳайати бонуфуз аз мақомоти ҳизбию ҳукуматии Ҷумҳурии Халқии Хитой таҳти роҳбарии муовини котиби генералии Кумитаи доимии умумихитоии намояндагони мардумӣ, ҷаноби Шен Чуняо ба Тоҷикистон ташриф оварданд.
17 январ дар Китобхонаи миллии Тоҷикистон ҳайати намояндагони Ҳизби коммунисти Хитой бо муовини якуми раиси Ҳизби Халқии Демократии Тоҷикистон Саидмурод Фаттоҳзода мулоқот карданд. Ба гуфтаи С. Фаттоҳзода тайи чанд соли даврони соҳибистиқлолии Ҷумҳурии Тоҷикистон робитаҳои дипломатӣ, иқтисодӣ ва тиҷоратию низомӣ байни Тоҷикистону Хитой ҳамаҷониба тавсеа ёфта истодааст: “Бо кӯмакҳои молиявии Хитой даҳҳо иншооти таъйиноти иқтисодию иҷтимоӣ ва фарҳангию варзишӣ сохта шуданду шуда истодаанд. Махсусан муомилоти молу маҳсулот миёни ду кишвар баъди кушода шудани роҳи автомобилгарди Кулма-Қароқурум афзоиш ёфт. Кишоварзони Хитой намудҳои нави кишту парвариши зироатҳои гуногунро дар заминҳои Тоҷикистон роҳандозӣ намуда, ба деҳқонони тоҷик роҳҳо ва технологияҳои наву муосири нигоҳубини зироатҳоро меомӯзонанд ва муштаракан ҳосили фаровон ба даст меоранд. Дар баробари ин ҳамкориҳо табиист, ки садҳо ҷойи кори нав муҳайё шуда истодааст”, - гуфт С. Фаттоҳзода.
Муовини котиби генералии Кумитаи доимии умумихитоии намояндагони мардумӣ Шен Чуняо низ суханронӣ намуда, иброз доштааст, ки: “Ман ҳам аз он қаноатманд ҳастам, ки робитаҳо миёни Ҷумҳурии Халқии Хитой ва Тоҷикистон сол то сол густариш пайдо карда истодааст. Мо қариб дар кулли масоили байналмилалӣ, минтақавӣ, аз ҷумла кишвари ҳамсояи мо - Афғонистон, терроризми байналхалқӣ, ҷанҷолҳои баъзе кишварҳо, давлати худхондаи исломии Шому Ироқ ва ғайра мавқеи муштарак дорем. Дар созмонҳои ҷаҳонӣ, бо шумули СММ ва Созмони ҳамкориҳои Шанхай узвияти якҷоя дорем. Дар татбиқи лоиҳаҳои калони иқтисодӣ, Роҳи бузурги Абрешим, як камарбанду як роҳ ва амалӣ гардондани дигар нақшаҳо ҳамкории зич дорем. Чуноне ки дар ин ҷо зикр гардид, назар ба имкониятҳои молиявиамон мо бо Тоҷикистони ҳамсоя дар соҳаҳои мухталиф ҳамкорӣ намуда, барои бунёди иншооти таъйиноти гуногун сармоягузорӣ мекунем”.
Имрӯз, 18 январ, дар Кохи “Афсарон” зимни нишасти матбуотӣ Шен Чуняо ба намояндагони ВАО дар бораи Анҷумани 18 Ҳизби коммунисти Хитой, раванди татбиқи қарорҳои он, Пленуми шашуми ҲКХ, омодагиҳо барои Анҷумани 19 ҲКХ, ислоҳоти бахшҳои иқтисодӣ, сиёсӣ, иҷтимоӣ ва амалӣ шудани консепсияҳои қабулшуда маълумоти муфассал дод. Аз ҷумла, зикр намуд, ки: “Фаъолияти ҳизбию ҳукуматии мо дар 6 самт амалӣ шуда истодааст. Инҳо дар бахши идеологӣ, интизоми қавии дохилиҳизбӣ, тарбияи кадрҳо, сифати корҳо ва ғайра мебошанд. Ҳизби коммунисти Хитой, ки шумораи аъзои он ба 88 миллион нафар мерасад, аз уҳдаи иҷрои ҳама гуна корҳо ва ҳалли мушкилот мебарояд. Беҳуда нест, ки он мамлакатеро идора мекунад, ки дорои 1,3 миллиард аҳолӣ аст. Бо ин нерӯ мо аз ҷиҳати тавоноӣ ва иқтидори иқтисодӣ ба зинаҳои аввал баромада истодаем”.
Хабарҳои дигар
Рӯзнома
Эзоҳи худро нависед