СИЁСАТ
Ҷумъа 26 Апрел 2024 04:40
Дар ҷомеаи шаҳрвандӣ ва демократӣ озодии баён мавқеи хосаро соҳиб аст. Тоҷикистони мо ҳам аз кишварҳое ба ҳисоб меравад, ки демократия дар он ҳукмфармост ва дар ҷомеаи он ба ВАО ва озодии баён арҷ мегузоранд. Зеро ин яке аз талаботи муҳими чунин ҷомеа ба ҳисоб меравад. Инро метавон дар мисоли фаъолияти ВАО-и гуногунҷабҳа дар кишвари азизамон дид. Аммо бархе нафарон моҳияти озодии баёнро дарк накарда, муҳтавои мавзӯи пайгиришударо аз худ накарда, ғаразҳои шахсии худро пушти истилоҳи озодии баён пиёда кардан мехоҳанд.
Ҳафтаномаи “Пайк”, ки қароргоҳаш дар шаҳри Кӯлоб аст, дар шумораи 42-и он, ки 12 – уми ноябри соли равон ба табъ расид, маводи Фарҳод Мадаминовро таҳти унвони “Кумитаи ҷавонон шоҳмотбозонро қадр накард” чоп намудааст.
Маълум нест, ки муаллиф Фарҳод Мадаминов рӯзноманигори ҳирфаист ё не. Лек дар навиштаи ин муаллифи “муосир” хатоҳои имлоӣ зиёд ба назар мерасаду ҷумлаҳо хеле хароб. Ҳатто дуруст сарфаҳм нарафтааст, ки сохторҳои Кумитаи кор бо ҷавонон ва варзиши назди Ҳукумати кишвар дар минтақаҳо чӣ тавр номгузорӣ мешаванд. Лозим меояд ба маълумоти ин хабарнигори “ҳамадон” расонем, ки сохторҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар вилоятҳо раёсат номида мешаваду шаҳру ноҳиявӣ бошад, бахш.
Дуруст аст, ки бозии шоҳмот зери таваҷҷуҳи Роҳбарияи олии мамлакат қарор дорад ва ҳамасола баҳри оммавияти варзиши болозикр мусобиқаҳо аз сатҳи маҳал оғоз ёфта, то ба даври ноҳиявию вилоятӣ ва баъдан ҷумҳуриявӣ омада мерасад. Барои мисол ки дар асоси розигӣ (№26/10-25 аз 17 майи соли 2019) ва ҳидоятҳои варзишпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, соли дуюм аст, ки баргузории мусобиқаи ҷумҳуриявӣ оид ба шоҳмот барои дарёфти “Ҷоми Пешвои миллат” дар чор марҳила ба нақша гирифта шудааст. Агар муаллифи матлаби мазкур мусобиқаи ҷумҳуриявӣ оид ба шоҳмот барои дарёфти “Ҷоми Пешвои миллат”-ро дар назар дошта бошанд, ба самъашон расониданием, ки мусобиқаи мазкур дар чор марҳила ба нақша гирифта шудааст.
Марҳилаҳои якум ва дуюми мусобиқаи мазкур дар сатҳи маҳал, деҳа, шаҳрак, вазорату идораҳо, ташкилоту муассисаҳо ва шаҳру ноҳияҳо то санаи 30 сентябри соли 2020 ҷамъбаст гардид.
Марҳилаи сеюми мусобиқаи мазкур бошад аз санаи 1 октябр то 6 ноябри соли 2020 дар сатҳи вилоятҳо, минтақа ва шаҳри Душанбе бо иштироки ғолибони марҳилаи интихобии дуюм доир гардид. Марҳилаи ҷумҳуриявӣ то ҳол доир нагардидааст.
Агар рӯзноманигори “муҳтарам” мусобиқаи ҷумҳуриявӣ, яъне чемпионати Ҷумҳурии Тоҷикистон аз намуди шоҳмотро, ки соле як маротиба гузаронида мешаваду мақсади он муайян намудани дастаи якачини ҷумҳурӣ мебошад, дар назар дошта бошад, ба самъашон мерасонем, ки дар ин гуна мусобиқаҳо ғолибон танҳо бо медалу ифтихорнома қадр карда мешаванд ва ин дар тамоми дунё роиҷ аст.
Рӯзноманигори “муосир” - Фарҳод Мадаминов дар давоми матлаб чунин менигорад: “Аз ҷониби Кумитаи ҷавонон ва варзишӣ (хатои имлоӣ аз рӯзноманигори “муосир” аст ва ингуна хатоҳо дар матлаб аз даҳҳо зиёд аст) назди Ҳукумати ҷумҳурӣ ва Федератсияи шоҳмот, танҳо як диплом. Дипломи пешниҳодкардаи масъулини дар боло зикршуда бе ягон чорчуба (рамка)”.
Ба Фарҳод Мадаминови “ҳамадон” гуфтанием, ки номи ниҳоди ваколатдор дар самти кор бо ҷавонон ва варзиш на Кумитаи ҷавонон ва варзишӣ назди Ҳукумати ҷумҳурӣ, балки Кумитаи кор бо ҷавонон ва варзиши назди Ҳукумати Ҷумҳурии Тоҷикистон мебошад. Баъдан масъалаи бе чаҳорчуба (рамка) тақдим намудани ифтихорномаро ҳамчун далел барои танқид истифода кардан тамоман бе мантиқист. Зеро дар тамоми мусобиқаҳои сатҳи ҷаҳонӣ, ҳатто олимпиада, ки сатҳи олии варзиш маҳсуб меёбад, ифтихорномаҳо бе чаҳорчуба (рамка) тақдим карда мешаванд. Мо барои ин гуфтаамон далел дорем. Агар хоҳед ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон омода, ифтихорномаи Дилшод Назаров, қаҳрамони Бозиҳои олимпии Рио-Де-Жанейрои Бразилиаро бубинед...
Бояд иброз намуд, ки шоҳмот шакли оммавии варзиш буда, аз даври маҳаллӣ то ҷумҳуриявии он ҳазорҳо нафар иштирок мекунанд, ки ҳамаи онҳо новобаста аз ғолиб ё мағлуб будан, бо ҳамин як сипоснома қадрдонӣ мешаванд. Дар баробари шоҳмот дигар намудҳои варзиши хусусияти оммавидошта ба монанди шашка, футбол, волейбол, баскетбол ва ғайра ҳамасола аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон гузаронида мешаванд, ки теъдоди иштирокчиён ба ҳазорҳо нафар мерасад. Ба ғайр аз ин, дар кишвар солона қариб аз руи 50 намуди варзиши касбӣ чорабиниҳои маҳалӣ, ноҳиявӣ, вилоятӣ ва ҷумҳуриявӣ доир ва ҳамаи иштирокчиён бо сипосномаи бе чаҳорчуба (рамка) сарфароз гардонида мешавад. Барои мисол иштирокчиёни дави наврӯзӣ ва дави миллӣ низ бо чунин сипосномаҳо қадрдонӣ мешавад, ки теъдоди онҳо ба зиёда аз 50 ҳазор дар ҳамаи сатҳҳо мерасад. Барои ҳар кадоми онҳоро бо рамка таъмин кардан агар нархи миёнаи рамкаро 20 сомонӣ ҳисоб кунем, беш аз як миллион сомонӣ мешавад. Акнун дар ин қисмат қазоват ба худи рӯзноманигори бе таҳлил ва “муосир”. Оё қобили қабул аст чунин харҷ? Оё гап дар бораи сипоснома меравад ё рамка?
Ва боз Ф. Мадаминов аз он гила дорад, ки “...афсӯс маблағҳо ҳастанду барои ҳавасмандгардонии онҳо (наврасон) ҷудо намешавад”. Шумо дар асоси чӣ ва бо кадом далел гуфтаи худро исбот мекунед, ҳарчанд ин гуфтаҳо ба ғайр аз умумигӯӣ чизе нест.
Ф. Мадаминови “муҳта-рам” кадом хатогии шуморо ислоҳ карданамонро намедонем. Дар давоми матлаб овардаед, ки “Оид ба масъалаи матраҳшуда бо раиси Кумитаи ҷавонон ва варзиши назди мақомоти иҷроияи ҳокимияти давлатии вилоят муҳтарам Абдуллозода дар тамос шудем”. Агар ин сохтор нав таъсис ёфта бошаду мо бе хабар монда бошем, дар шумораҳои баъдии ҳафтаномаи “Пайк” пурратар маълумот нашр кунеду дигарон ҳам аз таъсиси сохтори нав дар вилоят огаҳ шаванд. Ба маълумоти шумо мерасонем, ки раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Раҳмонзода Абдулло Қурбоналӣ аст. Абдуллозода Фариза, сардори Раёсати кор бо ҷавонон ва варзиш дар вилояти Хатлон мебошанд.
Қисмати аз ҳама “нигаронкунанда”-и матлаби навиштаи шумо - рӯзноманигори “муосир” дар он аст, ки миёни ҷавонон иғво андохтан мехоҳед. Шумо нигоштаед: “Наход, ки ҷавонону наврасон қадри як чаҳорчубаро надошта бошанд”. Ин навиштаи шумо дар ҳолест, ки ҷавонон дар меҳвари сиёсати ҷавонпарваронаи Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон қарор доранд. Ҷавонон ҳамеша зери сиёсати роҳбарияти олии мамлакат қарор доранд ва пайваста иншоотҳои варзишӣ дар сартосари кишвар барои ҷавонон сохта мешаванду ҳазорон ҷавон зери ин сиёсат дастгирӣ ёфта, миллату давлатамонро дар арсаи байналмилалӣ муаррифӣ карда истодаанд...
Ин амали кормандони ҳафтаномаи “Пайк” алами Мусоро аз Исо ситониданро мемонад. Зеро рафтори кормандони ҳафтаномаи “Пайк” нишон медиҳад, ки мушкил чаҳорчуба (рамка)-и ифтихорнома набуда, балки гирифтани алам аз утоқҳои корӣ бе насиб шуданашон дар бинои Маркази ҷавонон дар шаҳри Кӯлоб мебошад. Ё мехоҳед бо ҳамин гуна матлабҳои бе асос ва бо зӯру таҳдиди “менависам” омада худро дар Маркази ҷавонон ҷой диҳед? Ин амали шумо “Дузди зӯр соҳиби говро бастанист”-ро пеши хотир меорад.
PS: Ба маълумоти идораи ҳафтаномаи “Пайк” мерасонем, ки кормандони сохторҳои бахши ҷавонони шаҳри Кӯлоб ва умуман минтақа худашон ба утоқҳои корӣ эҳтиёҷ дошта, алорағми ҳама гуна туҳмату бадномсозӣ наметавонанд шуморо ба ҷои қаблиатон баргардонанд.
Кумитаи кор бо ҷавонон ва варзиши
назди Ҳукумати Ҷумҳурии Тоҷикистон
Ҳафтаномаи “Пайк”, ки қароргоҳаш дар шаҳри Кӯлоб аст, дар шумораи 42-и он, ки 12 – уми ноябри соли равон ба табъ расид, маводи Фарҳод Мадаминовро таҳти унвони “Кумитаи ҷавонон шоҳмотбозонро қадр накард” чоп намудааст.
Маълум нест, ки муаллиф Фарҳод Мадаминов рӯзноманигори ҳирфаист ё не. Лек дар навиштаи ин муаллифи “муосир” хатоҳои имлоӣ зиёд ба назар мерасаду ҷумлаҳо хеле хароб. Ҳатто дуруст сарфаҳм нарафтааст, ки сохторҳои Кумитаи кор бо ҷавонон ва варзиши назди Ҳукумати кишвар дар минтақаҳо чӣ тавр номгузорӣ мешаванд. Лозим меояд ба маълумоти ин хабарнигори “ҳамадон” расонем, ки сохторҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар вилоятҳо раёсат номида мешаваду шаҳру ноҳиявӣ бошад, бахш.
Дуруст аст, ки бозии шоҳмот зери таваҷҷуҳи Роҳбарияи олии мамлакат қарор дорад ва ҳамасола баҳри оммавияти варзиши болозикр мусобиқаҳо аз сатҳи маҳал оғоз ёфта, то ба даври ноҳиявию вилоятӣ ва баъдан ҷумҳуриявӣ омада мерасад. Барои мисол ки дар асоси розигӣ (№26/10-25 аз 17 майи соли 2019) ва ҳидоятҳои варзишпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, соли дуюм аст, ки баргузории мусобиқаи ҷумҳуриявӣ оид ба шоҳмот барои дарёфти “Ҷоми Пешвои миллат” дар чор марҳила ба нақша гирифта шудааст. Агар муаллифи матлаби мазкур мусобиқаи ҷумҳуриявӣ оид ба шоҳмот барои дарёфти “Ҷоми Пешвои миллат”-ро дар назар дошта бошанд, ба самъашон расониданием, ки мусобиқаи мазкур дар чор марҳила ба нақша гирифта шудааст.
Марҳилаҳои якум ва дуюми мусобиқаи мазкур дар сатҳи маҳал, деҳа, шаҳрак, вазорату идораҳо, ташкилоту муассисаҳо ва шаҳру ноҳияҳо то санаи 30 сентябри соли 2020 ҷамъбаст гардид.
Марҳилаи сеюми мусобиқаи мазкур бошад аз санаи 1 октябр то 6 ноябри соли 2020 дар сатҳи вилоятҳо, минтақа ва шаҳри Душанбе бо иштироки ғолибони марҳилаи интихобии дуюм доир гардид. Марҳилаи ҷумҳуриявӣ то ҳол доир нагардидааст.
Агар рӯзноманигори “муҳтарам” мусобиқаи ҷумҳуриявӣ, яъне чемпионати Ҷумҳурии Тоҷикистон аз намуди шоҳмотро, ки соле як маротиба гузаронида мешаваду мақсади он муайян намудани дастаи якачини ҷумҳурӣ мебошад, дар назар дошта бошад, ба самъашон мерасонем, ки дар ин гуна мусобиқаҳо ғолибон танҳо бо медалу ифтихорнома қадр карда мешаванд ва ин дар тамоми дунё роиҷ аст.
Рӯзноманигори “муосир” - Фарҳод Мадаминов дар давоми матлаб чунин менигорад: “Аз ҷониби Кумитаи ҷавонон ва варзишӣ (хатои имлоӣ аз рӯзноманигори “муосир” аст ва ингуна хатоҳо дар матлаб аз даҳҳо зиёд аст) назди Ҳукумати ҷумҳурӣ ва Федератсияи шоҳмот, танҳо як диплом. Дипломи пешниҳодкардаи масъулини дар боло зикршуда бе ягон чорчуба (рамка)”.
Ба Фарҳод Мадаминови “ҳамадон” гуфтанием, ки номи ниҳоди ваколатдор дар самти кор бо ҷавонон ва варзиш на Кумитаи ҷавонон ва варзишӣ назди Ҳукумати ҷумҳурӣ, балки Кумитаи кор бо ҷавонон ва варзиши назди Ҳукумати Ҷумҳурии Тоҷикистон мебошад. Баъдан масъалаи бе чаҳорчуба (рамка) тақдим намудани ифтихорномаро ҳамчун далел барои танқид истифода кардан тамоман бе мантиқист. Зеро дар тамоми мусобиқаҳои сатҳи ҷаҳонӣ, ҳатто олимпиада, ки сатҳи олии варзиш маҳсуб меёбад, ифтихорномаҳо бе чаҳорчуба (рамка) тақдим карда мешаванд. Мо барои ин гуфтаамон далел дорем. Агар хоҳед ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон омода, ифтихорномаи Дилшод Назаров, қаҳрамони Бозиҳои олимпии Рио-Де-Жанейрои Бразилиаро бубинед...
Бояд иброз намуд, ки шоҳмот шакли оммавии варзиш буда, аз даври маҳаллӣ то ҷумҳуриявии он ҳазорҳо нафар иштирок мекунанд, ки ҳамаи онҳо новобаста аз ғолиб ё мағлуб будан, бо ҳамин як сипоснома қадрдонӣ мешаванд. Дар баробари шоҳмот дигар намудҳои варзиши хусусияти оммавидошта ба монанди шашка, футбол, волейбол, баскетбол ва ғайра ҳамасола аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон гузаронида мешаванд, ки теъдоди иштирокчиён ба ҳазорҳо нафар мерасад. Ба ғайр аз ин, дар кишвар солона қариб аз руи 50 намуди варзиши касбӣ чорабиниҳои маҳалӣ, ноҳиявӣ, вилоятӣ ва ҷумҳуриявӣ доир ва ҳамаи иштирокчиён бо сипосномаи бе чаҳорчуба (рамка) сарфароз гардонида мешавад. Барои мисол иштирокчиёни дави наврӯзӣ ва дави миллӣ низ бо чунин сипосномаҳо қадрдонӣ мешавад, ки теъдоди онҳо ба зиёда аз 50 ҳазор дар ҳамаи сатҳҳо мерасад. Барои ҳар кадоми онҳоро бо рамка таъмин кардан агар нархи миёнаи рамкаро 20 сомонӣ ҳисоб кунем, беш аз як миллион сомонӣ мешавад. Акнун дар ин қисмат қазоват ба худи рӯзноманигори бе таҳлил ва “муосир”. Оё қобили қабул аст чунин харҷ? Оё гап дар бораи сипоснома меравад ё рамка?
Ва боз Ф. Мадаминов аз он гила дорад, ки “...афсӯс маблағҳо ҳастанду барои ҳавасмандгардонии онҳо (наврасон) ҷудо намешавад”. Шумо дар асоси чӣ ва бо кадом далел гуфтаи худро исбот мекунед, ҳарчанд ин гуфтаҳо ба ғайр аз умумигӯӣ чизе нест.
Ф. Мадаминови “муҳта-рам” кадом хатогии шуморо ислоҳ карданамонро намедонем. Дар давоми матлаб овардаед, ки “Оид ба масъалаи матраҳшуда бо раиси Кумитаи ҷавонон ва варзиши назди мақомоти иҷроияи ҳокимияти давлатии вилоят муҳтарам Абдуллозода дар тамос шудем”. Агар ин сохтор нав таъсис ёфта бошаду мо бе хабар монда бошем, дар шумораҳои баъдии ҳафтаномаи “Пайк” пурратар маълумот нашр кунеду дигарон ҳам аз таъсиси сохтори нав дар вилоят огаҳ шаванд. Ба маълумоти шумо мерасонем, ки раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Раҳмонзода Абдулло Қурбоналӣ аст. Абдуллозода Фариза, сардори Раёсати кор бо ҷавонон ва варзиш дар вилояти Хатлон мебошанд.
Қисмати аз ҳама “нигаронкунанда”-и матлаби навиштаи шумо - рӯзноманигори “муосир” дар он аст, ки миёни ҷавонон иғво андохтан мехоҳед. Шумо нигоштаед: “Наход, ки ҷавонону наврасон қадри як чаҳорчубаро надошта бошанд”. Ин навиштаи шумо дар ҳолест, ки ҷавонон дар меҳвари сиёсати ҷавонпарваронаи Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон қарор доранд. Ҷавонон ҳамеша зери сиёсати роҳбарияти олии мамлакат қарор доранд ва пайваста иншоотҳои варзишӣ дар сартосари кишвар барои ҷавонон сохта мешаванду ҳазорон ҷавон зери ин сиёсат дастгирӣ ёфта, миллату давлатамонро дар арсаи байналмилалӣ муаррифӣ карда истодаанд...
Ин амали кормандони ҳафтаномаи “Пайк” алами Мусоро аз Исо ситониданро мемонад. Зеро рафтори кормандони ҳафтаномаи “Пайк” нишон медиҳад, ки мушкил чаҳорчуба (рамка)-и ифтихорнома набуда, балки гирифтани алам аз утоқҳои корӣ бе насиб шуданашон дар бинои Маркази ҷавонон дар шаҳри Кӯлоб мебошад. Ё мехоҳед бо ҳамин гуна матлабҳои бе асос ва бо зӯру таҳдиди “менависам” омада худро дар Маркази ҷавонон ҷой диҳед? Ин амали шумо “Дузди зӯр соҳиби говро бастанист”-ро пеши хотир меорад.
PS: Ба маълумоти идораи ҳафтаномаи “Пайк” мерасонем, ки кормандони сохторҳои бахши ҷавонони шаҳри Кӯлоб ва умуман минтақа худашон ба утоқҳои корӣ эҳтиёҷ дошта, алорағми ҳама гуна туҳмату бадномсозӣ наметавонанд шуморо ба ҷои қаблиатон баргардонанд.
Кумитаи кор бо ҷавонон ва варзиши
назди Ҳукумати Ҷумҳурии Тоҷикистон
Хабарҳои дигар
Рӯзнома
Эзоҳи худро нависед