Тавре иттилоъ доред, санаи 22 майи соли равонро вакилони Маҷлиси намояндагони кишвар санаи баргузории раъйпурсӣ барои ворид кардани тағйиру иловаҳо ба Конститутсияи мамлакат эълон карданд. Азбаски ҷавонон дар Тоҷикистон беш аз 70 фисадро ташкил медиҳад, иштироки фаъоли онҳо дар ин маъракаи муҳими сиёсӣ нақши асосӣ дорад. То санаи баргузории ин маърака моҳҳои башумор боқӣ мондааст. Бинобар ин, аз ҷавонони кишвар пурсидем:
ТАҒЙИРУ ИЛОВАҲО БА КОНСТИТУТСИЯРО ЧӢ ГУНА ДАРЁФТЕД?

Муҳиб Азимов:
Тағйиру иловаҳо ба хотири рушди демократия дар Тоҷикистони азиз аст. Муҳимтар аз ҳама поён бурдани синни президентӣ дар кишвар ин ғамхорӣ ба ҷавонон аст. Тағйиру иловаҳо ба Конститутсия роҳи ҷавонононро мекушояд, зеро ояндаи кишвар ба ҷавонон вобастагӣ дорад.



Муҳибҷон Эрбоев, донишҷӯи ДДҲБСТ:
Конститутсия калимаи умумиэътирофшуда аст, қонуни асосӣ ва ё сарқонун ин маъниро пурра ифода карда наметавонад. Аз ин рӯ конститутсия мазмунан сарчашмаи дигар қонунҳои давлат ба шумор меравад.
Қабул шудани тағйиру иловаҳо имконият медиҳад, ки ҷавонон минбаъд низ огоҳиву худшиносӣ, мафкураи миллӣ ва ғояҳои ватандӯстӣ, ҳифзи анъанаҳои фарҳангӣ ва сулҳу суботро ҳамчун бақои миллат такмил дода, ҳомии воқеии арзишҳои неки ин марзу бум бошанд.
Тағйиру иловаҳои пешниҳодшуда арзишҳои волои Конститутсияро таҳким бахшида, инъикоси минбаъдаи раванди демократикунонии ҳаёти сиёсӣ ва иҷтимоии ҷомеаи Тоҷикистон, тақвияти ҳифзи ҳуқуқу озодиҳои инсон ва шаҳрванд, фарогири идомаи ислоҳоти сиёсию иҷтимоӣ ва ҳуқуқиву судӣ дар мамлакат мебошад.