СИЁСАТ
Якшанбе 08 Сентябр 2024 04:43
![1024](/upload/iblock/20e/%D1%88%D1%83%D1%80%D0%BE%D0%B8-%D1%80%D1%83%D1%88%D0%B4.jpg)
Имрӯз, 21 июн, бо иштироки Президенти ҷумҳурӣ Эмомалӣ Раҳмон ҷаласаи навбатии Шӯрои миллии рушди назди Президенти Ҷумҳурии Тоҷикистон доир гашт.
Дар кори ҷаласа, ки бо иштироки аъзои шӯро, роҳбарони вазорату идораҳои дахлдори мамлакат, намояндагон ва коршиносони Шӯрои ҳамоҳангсозии рушд ва ташкилоту созмонҳои байналмилалию ғайридавлатӣ баргузор гардид, масъалаҳои вобаста ба Стратегияи миллии рушди Ҷумҳурии Тоҷикистон барои давраи то соли 2030 ва Барномаи миёнамуҳлати рушди Тоҷикистон барои солҳои 2016-2020 баррасӣ шуд.
Президенти ҷумҳурӣ, Раиси Шӯрои миллии рушд Эмомалӣ Раҳмон зимни суханронӣ, аз ҷумла изҳор дошт, ки ҷаласаи имрӯзаи Шӯрои миллии рушд масъалаҳои стратегӣ ва ҳамзамон рӯзмарраи мамлакат, яъне таъмини рушди устувор, баланд бардоштани сатҳи некӯаҳволӣ ва то нишондоди ниҳоӣ коҳиш додани сатҳи камбизоатиро фаро мегирад. Ба таъкиди Сарвари давлат ҳуҷҷатҳои дар кори шӯро баррасишаванда дар шароите таҳия мешаванд, ки вазъи ҷаҳони зудтағйирёбандаи муосир торафт мураккаб гардида, дар бисёр кишварҳои олам буҳрони молиявию иқтисодӣ шиддат мегирад.
Тавре таъкид шуд, Ҳукумати Тоҷикистон бо дарназардошти таҳдиду хатарҳои торафт афзояндаи глобаливу минтақавӣ ва бо мақсади ноил гардидан ба ҳадафҳои стратегӣ, пеш аз ҳама, таъмини истиқлолияти энергетикӣ, пурра аз бунбасти коммуникатсионӣ баровардани мамлакат ва ҳифзи амнияти озуқаворӣ мунтазам чораҷӯӣ намуда, азми роҳбарияти мамлакат дар таъмини рушди устувори иқтисодӣ, пешрафти бахшҳои воқеии иқтисодиёт, тавсеаи имконияти содиротии мамлакат, беҳтар кардани фазои сармоягузорӣ ва дастгирии соҳибкорӣ, самаранокии бозори меҳнат, ҳифзи иҷтимоии аҳолӣ, такмили низоми идораи давлатӣ ва тақвияти нерӯи инсонӣ қавӣ ва ояндадор мебошад.
Бо изҳори қаноатмандӣ таъкид гардид, ки дар заминаи ҳамин тадбирҳои амалишуда сатҳи камбизоатии аҳолӣ аз 53 фоизи соли 2007 то ба 31 фоиз дар соли 2015 коҳиш дода шуда, буҷети солонаи давлатӣ аз 1,8 то 15,7 миллиард сомонӣ ё қариб 9 баробар афзоиш ёфтааст.
Дар ҷаласа Стратегияи миллии рушди Ҷумҳурии Тоҷикистон барои давраи то соли 2030 аз ҷониби Ёрдамчии Президенти Ҷумҳурии Тоҷикистон оид ба масъалаҳои иқтисодӣ Фаррух Ҳамрализода ва Барномаи миёнамуҳлати рушди Тоҷикистон барои солҳои 2016-2020 аз ҷониби вазири рушди иқтисод ва савдои мамлакат Неъматулло Ҳикматуллозода муаррифӣ гардид. Доир ба муҳимияти ҳуҷҷатҳои муаррифишуда, ҳамчунин муовини раиси Шӯрои ҳамоҳангсози шарикони рушд, директори Бонки олмонии рушд дар Тоҷикистон, хонум Кристин Лаабс, ҳамоҳангсози СММ ва намояндаи доимии Барномаи рушди СММ Александр Зуев, роҳбари намояндагии Иттиҳоди Аврупо дар Тоҷикистон Хидайет Бишчевич ва директори минтақавии Бонки исломии рушд оид ба кишварҳои Осиёи Марказӣ Ҳишам Маъруф баромад карданд. Шарикони рушд аз тадбирҳои то ин давра амалинамудаи Ҳукумати Ҷумҳурии Тоҷикистон барои расидан ба ҳадафҳои рушди устувор изҳори қаноатмандӣ намуда, омодагию ҳавасмандии хешро барои иштирок дар татбиқи амалии ҳадафҳои рушдтаъминкунандаи Тоҷикистон таъкид намуданд.
Сарвари давлат Эмомалӣ Раҳмон дар интиҳои кори ҷаласаи шӯро Ҳукумати мамлакат ва дигар сохторҳои давлатиро вазифадор намуд, ки дар заминаи афзалиятҳои рушди дарозмуддат барои давраи то соли 2030 ва миёнамуҳлат барои солҳои 2016-2020 ҳамкориҳои судмандро бо соҳибкорони ватанӣ, шарикони рушд, сармоягузорони хориҷӣ ва дигар ҷонибҳои манфиатдор васеъ ба роҳ монда, ҷиҳати татбиқи ҳадафу вазифаҳои муайянгардида аз тамоми имконияту иқтидорҳои мавҷуда самаранок истифода намоянд.
Изҳори итминон карда шуд, ки саъю кӯшиш ва меҳнати содиқонаи мардуми кишвар дар амалӣ шудани ҳадафу вазифаҳои ин ҳуҷҷатҳо заминаи устувор гузошта, саҳми шарикони рушди Тоҷикистон низ дар татбиқи стратегияву барномаи мазкур назаррас хоҳад буд.
Дар кори ҷаласа, ки бо иштироки аъзои шӯро, роҳбарони вазорату идораҳои дахлдори мамлакат, намояндагон ва коршиносони Шӯрои ҳамоҳангсозии рушд ва ташкилоту созмонҳои байналмилалию ғайридавлатӣ баргузор гардид, масъалаҳои вобаста ба Стратегияи миллии рушди Ҷумҳурии Тоҷикистон барои давраи то соли 2030 ва Барномаи миёнамуҳлати рушди Тоҷикистон барои солҳои 2016-2020 баррасӣ шуд.
Президенти ҷумҳурӣ, Раиси Шӯрои миллии рушд Эмомалӣ Раҳмон зимни суханронӣ, аз ҷумла изҳор дошт, ки ҷаласаи имрӯзаи Шӯрои миллии рушд масъалаҳои стратегӣ ва ҳамзамон рӯзмарраи мамлакат, яъне таъмини рушди устувор, баланд бардоштани сатҳи некӯаҳволӣ ва то нишондоди ниҳоӣ коҳиш додани сатҳи камбизоатиро фаро мегирад. Ба таъкиди Сарвари давлат ҳуҷҷатҳои дар кори шӯро баррасишаванда дар шароите таҳия мешаванд, ки вазъи ҷаҳони зудтағйирёбандаи муосир торафт мураккаб гардида, дар бисёр кишварҳои олам буҳрони молиявию иқтисодӣ шиддат мегирад.
Тавре таъкид шуд, Ҳукумати Тоҷикистон бо дарназардошти таҳдиду хатарҳои торафт афзояндаи глобаливу минтақавӣ ва бо мақсади ноил гардидан ба ҳадафҳои стратегӣ, пеш аз ҳама, таъмини истиқлолияти энергетикӣ, пурра аз бунбасти коммуникатсионӣ баровардани мамлакат ва ҳифзи амнияти озуқаворӣ мунтазам чораҷӯӣ намуда, азми роҳбарияти мамлакат дар таъмини рушди устувори иқтисодӣ, пешрафти бахшҳои воқеии иқтисодиёт, тавсеаи имконияти содиротии мамлакат, беҳтар кардани фазои сармоягузорӣ ва дастгирии соҳибкорӣ, самаранокии бозори меҳнат, ҳифзи иҷтимоии аҳолӣ, такмили низоми идораи давлатӣ ва тақвияти нерӯи инсонӣ қавӣ ва ояндадор мебошад.
Бо изҳори қаноатмандӣ таъкид гардид, ки дар заминаи ҳамин тадбирҳои амалишуда сатҳи камбизоатии аҳолӣ аз 53 фоизи соли 2007 то ба 31 фоиз дар соли 2015 коҳиш дода шуда, буҷети солонаи давлатӣ аз 1,8 то 15,7 миллиард сомонӣ ё қариб 9 баробар афзоиш ёфтааст.
Дар ҷаласа Стратегияи миллии рушди Ҷумҳурии Тоҷикистон барои давраи то соли 2030 аз ҷониби Ёрдамчии Президенти Ҷумҳурии Тоҷикистон оид ба масъалаҳои иқтисодӣ Фаррух Ҳамрализода ва Барномаи миёнамуҳлати рушди Тоҷикистон барои солҳои 2016-2020 аз ҷониби вазири рушди иқтисод ва савдои мамлакат Неъматулло Ҳикматуллозода муаррифӣ гардид. Доир ба муҳимияти ҳуҷҷатҳои муаррифишуда, ҳамчунин муовини раиси Шӯрои ҳамоҳангсози шарикони рушд, директори Бонки олмонии рушд дар Тоҷикистон, хонум Кристин Лаабс, ҳамоҳангсози СММ ва намояндаи доимии Барномаи рушди СММ Александр Зуев, роҳбари намояндагии Иттиҳоди Аврупо дар Тоҷикистон Хидайет Бишчевич ва директори минтақавии Бонки исломии рушд оид ба кишварҳои Осиёи Марказӣ Ҳишам Маъруф баромад карданд. Шарикони рушд аз тадбирҳои то ин давра амалинамудаи Ҳукумати Ҷумҳурии Тоҷикистон барои расидан ба ҳадафҳои рушди устувор изҳори қаноатмандӣ намуда, омодагию ҳавасмандии хешро барои иштирок дар татбиқи амалии ҳадафҳои рушдтаъминкунандаи Тоҷикистон таъкид намуданд.
Сарвари давлат Эмомалӣ Раҳмон дар интиҳои кори ҷаласаи шӯро Ҳукумати мамлакат ва дигар сохторҳои давлатиро вазифадор намуд, ки дар заминаи афзалиятҳои рушди дарозмуддат барои давраи то соли 2030 ва миёнамуҳлат барои солҳои 2016-2020 ҳамкориҳои судмандро бо соҳибкорони ватанӣ, шарикони рушд, сармоягузорони хориҷӣ ва дигар ҷонибҳои манфиатдор васеъ ба роҳ монда, ҷиҳати татбиқи ҳадафу вазифаҳои муайянгардида аз тамоми имконияту иқтидорҳои мавҷуда самаранок истифода намоянд.
Изҳори итминон карда шуд, ки саъю кӯшиш ва меҳнати содиқонаи мардуми кишвар дар амалӣ шудани ҳадафу вазифаҳои ин ҳуҷҷатҳо заминаи устувор гузошта, саҳми шарикони рушди Тоҷикистон низ дар татбиқи стратегияву барномаи мазкур назаррас хоҳад буд.
Эзоҳи худро нависед