Ба Вазорати адлияи Ҷумҳурии Тоҷикистон ва сохторҳои он дар нимсолаи аввали соли ҷорӣ 23849 мавод вобаста ба масъалаҳои ҳуқуқӣ ворид гардид, ки нисбат ба ҳамин давраи соли гузашта 2604 мавод кам мебошад.

Дар ин бора Музаффар Ашуриëн, вазири адлияи кишвар зимни нишасти матбуотӣ иттилоъ дод.

Ҳамчунин ба вазорат дар самти қонунгузорӣ 2403 мавод ворид шудааст, ки нисбат ба ҳамин давраи соли 2022 7% зиёд мебошад. Дар самти баррасии санадҳои ҳуқуқии байналмилалӣ бошад, мутахассисони вазорат 1220 маводро мавриди баррасӣ қарор дода, нисбати онҳо хулосаҳои дахлдор пешниҳод намудаанд.

“Ҳамаи маводи воридшуда мавриди санҷиши ҳуқуқӣ қарор гирифта, дар самти мутобиқгардонӣ ба меъёрҳои Конститутсияи Ҷумҳурии Тоҷикистон ва қонунҳои ҷумҳурӣ хулосаҳои дахлдор дода шуд,”-гуфт вазири адлия.

Ҳошим РАҲМАТУЛЛОЕВ, "ҶТ"