Дар шаҳри Кӯлоб, санаи 14 октябр, радиои минтақавӣ зери унвони “Радиои Кӯлоб” ба фаъолияти хеш оғоз намуд.

Зимни ба истифода додани “Радиои Кӯлоб” Абдуҷаббор Раҳмонов, ёрдамчии Президенти Ҷумҳурии Тоҷикистон оид ба масъалаҳои иҷтимоӣ ва робита бо ҷомеа ва Хайрулло Амонулло, раиси шаҳри Кӯлоб иштирок намуда, ба аҳли эҷоди ин муассисаи нав барору комёбиҳо таманно намуданд.

Абдуҷаббор Раҳмонов, Ёрдамчии Президенти Ҷумҳурии Тоҷикистон оид ба масъалаҳои иҷтимоӣ ва робита бо ҷомеа зимни суханронӣ таъкид намуданд, ки аз ин пас сокинони минтақаи Кӯлоб метавонанд аз хизмати ин радио ҳамаҷонибаю босамар истифода намоянд. 

Дар баробари ин даъват намуд, ки ба кори радио қабл аз ҳама хабарнигорони варзида ва хатмкунандагони факултаи журналистикаи Донишгоҳи давлатии Кӯлоб ҷалб карда шаванд.