ҶОМЕА
Якшанбе 20 Сентябр 2020 12:45
6860
Соли 2019 Агентии назорати давлатии молиявӣ ва мубориза бо коррупсияи кишвар 2154 ҷиноятҳои коррупсионӣ, иқтисодии хусусияти коррупсионидошта, ҷиноятҳои ба андоз алоқамандро ошкор намудаанд, ки 644 адади он ба гурӯҳи ҷиноятҳои вазнин шомиланд.

Султонзода Сулаймон Саид, директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон зимни нишасти хабарияш, ки 11-уми феврал дар толори маҷлисии агентӣ баргузор гардид, дар ин бора иттилоъ дод.

-Таҳлили вазъи ҷинояткорӣ нишон медиҳад, ки дар ин давра 249 ҷиноят аз ҷониби кормандони мақомоти иҷроияи маҳаллии ҳокимияти давлатӣ, 122 ҷиноят аз тарафи намояндагони соҳаи маориф ва илм, 135 ҷиноят аз ҷониби кормандони соҳаи тандурустӣ ва ҳифзи иҷтимоии аҳолӣ, 17 ҷиноят дар соҳаи нақлиёт, 32 ҷиноят дар соҳаи кишоварзӣ, 64 ҷиноят дар соҳаи меҳнат, муҳоҷират ва шуғли аҳолӣ, 8 ҷиноят дар соҳаи технологияҳои нав, 7 ҷиноят дар соҳаи молия, 87 ҷиноят дар кумитаҳои давлатии идораи замин ва геодезӣ, 19 ҷиноят дар соҳаи андоз, 8 ҷиноят дар соҳаи меъморӣ ва сохтмон, 32 ҷиноят дар ШСХК “Барқи тоҷик”, 273 ҷиноят дар соҳаи бонкдорӣ, 359 ҷиноят аз тарафи субъектони хоҷагидори ғайридавлатӣ, 403 ҷиноят аз тарафи соҳибкорони инфиродӣ ва 339 ҷинояти дигар аз тарафи идораю корхонаҳои боқимонда содир гардидааст, - иброз дошт Султонзода.

Тибқи нишондодҳо давоми соли гузашта ҷиноятҳои дар соҳаи маориф баамаломада, бештар аз дигар соҳаҳо расонаӣ мешуд. Хабарнигори рӯзномаи “Ҷавонони Тоҷикистон” аз директори агентӣ суол кард, ки чаро давоми соли 2019 ҷиноятҳои дар сатҳи мақомоти иҷроияи маҳаллии ҳокимияти давлатӣ ва ё дигар соҳаҳои фаъолият содиргашта, ки дар теъдоди ҷиноят ва андозаи маблағҳо аз соҳаи маориф дида бештар мебошанд, чандон расонаӣ намешуд. Омили ин гуна ранг гирифтани кор метавонад, вуҷуд доштани маҳдудият дар самти дастрасии рӯзноманигорон ба ин гуна иттилоот бошад, директори агентӣ чунин посух дод:

-Ҳарчанд масъулияти касбии мо маъмулан муайян кардани теъдод, хислат ва навъу дараҷаи ҷиноятҳои коррупсионӣ ва марбут ба он асту таҳлил кардани он ки чаро дар расонаҳо яке бештар ва дигаре камтар ё тамоман расонаӣ нашуд, дар доираи салоҳияти мо нест. Вале масъалаи вуҷуд доштани маҳдудиятҳо дар самти дастрасӣ ба иттилооти мазкур ҳатман санҷида мешавад. Бояд бигӯям, ки то ҳол ин паҳлуи масъаларо таҳлил накарда будем, вале мо ин масъаларо ҳам дида мебароем.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.