КВД “Тоҷиксуғурта” дар нимсолаи аввали соли 2023 бо шахсони ҳуқуқию воқеӣ, дар маҷмуъ 250 465 адад шартномаҳои суғуртавӣ ба имзо расонидааст.
Дар ин бора Шуҳрат Мақсудзода, директори генералии КВД “Тоҷиксуғурта” 2-юми август зимни нишасти матбуотӣ иттилоъ дод.

“Аз ҳисоби ин шартномаҳо ба корхонаи мазкур 21217,0 ҳазор сомонӣ маблағ ворид гардида, иҷрои нақшаи нимсола 122,3% таъмин карда шуд, ки нисбат ба нақша 3 миллиону 865 ҳазор сомонӣ бештар мебошад”, - гуфт Ш. Мақсудзода.

Номбурда ҳамчунин қайд кард, ки “Тоҷиксуғурта” дар нимсолаи аввали соли ҷорӣ ба шахсони хуқуқию воқеии ба молу амвол ва ҳаёту саломатиашон зараррасида дар ҳаҷми 1587,0 ҳазор сомонӣ маблағи суғуртавӣ пардохт намудааст, ки аз ин 16,5 ҳазор сомонӣ ба шакли ҳатмии суғурта ва 1570,0 ҳазор сомонӣ ба шакли ихтиёрии суғурта рост меояд.

Ҳ. РАҲМАТУЛЛОЕВ, “ҶТ”