Раиси Ваколатдор оид ба ҳуқуқи инсон Умед Бобозода, 30 январ зимни нишасти матбуотӣ иброз намуд, ки соли 2019 дар мақомоти ваколатдор 3249 адад (с.2018- 3522 адад) муроҷиатҳои шахсони воқеӣ ва ҳуқуқӣ ба қайд гирифта шудааст, ки аз онҳо 587 ададаш хаттӣ (с.2018-857) ва 2662 (С.2018-2665) адади дигараш муроҷиатҳои шифоҳӣ мебошанд.

Аз ҷумла, дар Дастгоҳи марказии ВҲИ 700 адад муроҷиатҳои шахсони воқеӣ ва ҳуқуқӣ ба қайд гирифта шудааст, ки аз онҳо 302 ададаш хаттӣ  ва 398 адади дигараш муроҷиатҳои шифоҳианд. 
Гуфта шуд,ки аз 700 муроҷиати шахсони воқеӣ ва ҳуқуқии ба Дастгоҳи марказӣ воридгардида, 45 адад муроҷиат, аз ҷумла, 14 муроҷиати хаттӣ ва 31 муроҷиати шифоҳӣ мусбат ҳал гардидаанд.

Наҷиба МУРОДБЕКОВА,
Малоҳат ХОЛМУРОДОВА, “ҶТ"