ҶОМЕА
Якшанбе 20 Сентябр 2020 12:34
7175
Аз моҳи май то инҷониб 13074 нафар шаҳрвандони ба ватан баргашта, зери назорати карантинӣ қарор дошта, айни ҳол 534 нафар, аз он ҷумла 278 нафар дар шаҳри Душанбе, 194 нафар дар шаҳри Турсунзода ва 62 нафар дар вилояти Суғд таҳти карантин қарор доранд.

Ҷамолиддин Абдуллозода, вазири тандурустӣ ва ҳифзи иҷтимоии аҳолии кишвар бо зикри ин нукта зимни нишасти матбуотӣ дар таърихи 24 июл, ҳамчунин гуфт, ки бо мақсади ба карантини кутоҳмуддат фаро гирифтани шаҳрвандони аз дигар давлатҳо ба ҷумҳурӣ воридгардида, айни ҳол дар шаҳри Турсунзода, ноҳияи Варзоб ва мавзеи Ромит ба миқдори 815 кат ҷой омода шудааст.

- Бо назардошти зиёдшавии авҷи беморӣ дар кишварҳои ҳамсоя ташвишовар боқӣ мондани вазъи эпидемиологӣ ва авҷи эҳтимолии бемории коронавирус дар анбори вазорат 6 номгӯи дастгоҳҳои тиббӣ ба миқдори 1068 адад, 53 номгӯи доруворӣ ва 25 номгӯи маводи худмуҳофизатӣ ва безараргардонӣ ба миқдори зарурӣ нигоҳ дошта мешавад, - гуфт дар идома вазири тандурустӣ ва ҳифзи иҷтимоии аҳолӣ.

Бо нигаронӣ гуфта шуд, ки мушкилоти асосӣ дар самти пешгирӣ ва табобати бемории Covid-19 он аст, ки то ба имрӯз дар дунё ягон усули ягонаи пешгирӣ ва табобати ин беморӣ ва дорувории махсус таҳияшуда, аз ҷиҳати илмӣ асоснок кардашуда, вуҷуд надорад.

Вазири тандурустӣ ва ҳифзи иҷтимоии аҳолии кишвар вобаста ба сару садоҳои зиёд дар мавриди каму зиёд будани шумораи нафарони фавтида аз бемории сироятии коронавирус дар кишвар гуфт, “он оморе, ки дар Вазорати тандурустӣ ва ҳифзи иҷтимоии аҳолӣ аст, дақиқу дуруст мебошад. Дигар оморҳое, ки аз тарафи шаҳрвандон ё хешу табори он бемороне, ки мефавтанд, гуфта мешавад, нодуруст мебошад”.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.