ҶОМЕА
Душанбе 15 Апрел 2024 05:19
1392
Оила як ҷузъи давлат, ячейкаи хурдтарини он мебошад. Мутаассифона, бархе аз навхонадорон инро сарфи назар мекунанд. Хабарнигорамон бо мудири бахши сабти асноди ҳолатҳои шаҳрвандии ноҳияи Рӯшон Шоира Замонова ҳамсуҳбат шуд.

- Шоира Меҳриддиновна, қаблан мехостам дар бораи оила ва аҳамияти он чанд сухан бигӯед.

- Ташаккур. Сабти асноди ҳолатҳои шаҳрвандии ноҳияи Рӯшон тибқи талаботи имрӯза, дар асоси Қонуни Ҷумҳурии Тоҷикистон аз 29 апрели соли 2006 «Дар бораи бақайдгирии давлатии асноди ҳолати шаҳрвандӣ» фаъо¬лият хешро пеш мебарад.Таҳлилҳо нишон медиҳанд, ки сол ба сол таваллуд зиёд шуда, тамоюли беҳтар гардидани вазъи демографӣ ва тандурустии аҳолӣ рӯи кор омада, дарозум¬рии миёнаи шаҳрвандон ба 70,4 сол расидааст. Шумораи никоҳ низ нисбати солҳои пеш рӯ ба афзоиш ниҳодааст ва дар ҷамъбасти соли 2015 дар ноҳия 485 таваллуд ва 286 никоҳ ба қайд гирифта шудааст.

- Дар солҳои охир талоқ дар ноҳия хеле зиёд ба назар мерасад. Сабабаш чӣ бошад?

- Дуруст, ки ҷавонони имрӯз бо мафҳуми оила ва оиладорӣ муносибати хунукназарона намуда, бе фикри пешакӣ, бе розигии волидайн оила барпо мекунанд. Насиҳату тависияҳои во¬лидайну пирони кордидаро сарфи назар наму¬да, дар оиладорӣ ба хатоҳои ҷуброннашаванда роҳ медиҳанд. Ин аст, ки теъдоди бекоршавии никоҳ дар ноҳия дар муддати чор моҳи соли ҷорӣ ба 46 адад расид, ки ин нисбати солҳои пеш хеле зиёд аст.

- Алоқаи умо дар масъалаи никоҳ бо халифаҳои расмӣ дар кадом ҳад қарор дорад?

- Ногуфта намонад, ки бисёре аз халифаҳои расмӣ қонуну қавоиди маъмулро риоя меку¬нанд, аммо бархе аз онҳо ба хатоҳои ҷиддӣ роҳ медиҳанд. Мутобиқи пешниҳоди намоянда¬гони дин никоҳи мусалмонӣ фақат баъди ақди никоҳи давлатӣ бастани навхонадорон гуза¬ронида мешавад. Мутаассифона, ин ҳолат на ҳама вақт ба таври пурра роия карда мешавад. Бархе аз халифаҳо бекоршавии никоҳи давла¬тиро сарфи назар карда, навҷавононро бидуни бекоршавии никоҳ аз нав никоҳи мусалмонӣ мекунанд. Ин ҳолатҳо бештар дар муҳоҷирати меҳнатӣ рӯи кор меоянд ва ҷавонони мо дур аз ватану волидайн ба оилаву оиладорӣ хунук¬назарона муносибат мекунанд. Ғофил аз он, ки оиладорӣ санъати худ, муҳаббати хосаи худ ва масъулияти тарафайнро талаб мекунад.

Дар ҷамоати Савноб бештари мардум, ба¬хусус занон ҳанӯз шиносномаи замони шӯравӣ доранд ва ҳамаи никоҳи давлатӣ бо он суръат мегирад. Дар ҷавоби «Чаро шиносномаи нави тоҷикӣ нагирифтаед?», посух медиҳанд, ки «Мо ба ягон ҷо намеравем, вай ба мо чӣ лозим?». Наход шаҳрванди Тоҷикистон чунин амалро ба шахсияти хеш раво бинад?
Дар рафти кор мо ҳолатҳоеро дучор ома¬дем, ки навхонадорон соҳиби 2 ва ё 4 кӯдак шуда, баъд аз қайди никоҳи давлатӣ мегуза¬ранд. Ҳамин ҳолат дар масъалаи гирифтани шаҳодатномаи таваллуд низ вуҷуд дорад. Би¬сёре аз кӯдакони ҷамоати Савноб тамоман шаҳодатнома надоранд. Синфи ёздаҳумро тамом карда, барои гирифтани шиноснома ба дафтари шиносномадиҳӣ муроҷиат намуда, онҳоро кормандони шиносномадиҳӣ ба пеша¬мон барои гирифтани шаҳодатномаи таваллуд равон месозанд. Зеро дафтари шиносномадиҳӣ аз онҳо шаҳодатномаи таваллудро талаб ме¬кунад. Маҳз ҳамин хунукназарист, ки ҷавонони мо дар замони ба балоғат расидан бо оилаву оиладорӣ муносибати хуш надоранд.

Ҷавонон набояд оиладориро кори саҳл пиндоранд. Оила барои тамоми умр бунёд ме¬шавад ва барои ҳамин мо кӯшишҳои зиёд ба харҷ дода, дар байни мардум дар мавзӯи ои¬лаву оиладорӣ сӯҳбату вохӯриҳо ташкил мена¬моем, то ҷавононро барои бунёди оилаи солим тарбияву тайёр намоем. Ин кор басо мушкил аст ва бе дастгирии омма ҳал намешавад. Ба ин хо¬тир бисёр мехостам, ки волидайну муассисаҳои таълимӣ низ дар ин кор ба мо кӯмак расонанд, то ҷавононро дар рӯҳияи ҳаёти солим тарбия карда тавонем.

- Ташаккур, барои суҳбати самимӣ.

Мамадалӣ БАХТИЁРОВ, рӯзноманигор

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.