Аз тарафи Бахши кор бо ҷавонон ва варзиши ноҳияи Исмоили Сомонӣ бахшида ба Рӯзи ҷавонон дар қисми ҳарбии 02615 "Г"-и Вазорати мудофиаи Ҷумҳурии Тоҷикистон Конференсияи илмӣ-назариявӣ дар мавзӯи “Баланд бардоштани ҳуввияти миллӣ ва таҳкими ватандӯстии ҷавонон” баргузор гардид.

Дар чорабинӣ афсарон ва беш аз 100 нафар ҷавонони синни то даъватӣ иштирок намуда, дар ҷараёни он таъкид гардид, ки ҳадафи баргузории чорабинӣ баланд бардоштани тарбияи ватандӯстиву меҳанпарастӣ, ҳифзи арзишҳои миллӣ, ҳимояи манфиатҳои давлат ва ҷалби ҷавонон ба хизмати ҳарбӣ мебошад.

Дар интиҳои чорабинӣ миёни сарбозону ҷавонон мусобиқаи хурди варзишии дастхобонӣ доир шуд.