Бино ба иттилои Хадамоти назорати давлатии бехатарии корҳо дар саноат ва соҳаи кӯҳкорӣ соли 2020 нисбати нафароне, ки қоидаҳои бехатариро дар корхонаҳо риоя накардаанд, тибқи моддаҳои 405, 172 ва 715-и Кодекси ҳуқуқвайронкунии маъмурии Ҷумҳурии Тоҷикистон ба ҷавобгарии маъмурӣ кашида шуда, ба мабалғи 848357 сомонӣ ҷаримабанди карда шудаанд.

Сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон Раҳим Санъат Атто зимни нишасти матбуотӣ дар шарҳи гуфтаҳои боло афзуд, ки он нисбат ба ҳамин давраи соли 2019, 194967 сомонӣ зиёд мебошад.

Таъкид гардид, ки соли гузашта 1749 кормандони муҳандисию техникии корхонаҳои зериназоратӣ аз санҷиши дониш оид ба бехатарии саноатӣ гузаронида шуд, ки аз онҳо 131 нафарашон бо сабаби тайёр набуданашон аз санҷиш нагузаштанд.

Қ. МАҲМАДҶОНОВ, “ҶТ”