Азим Иброҳим, вазири нақлиëти Ҷумҳурии Тоҷикистон 5 август зимни нишасти матбуотӣ дар посух ба суоли рӯзноманигорон дар мавриди гузаштан ба нақлиëти барқӣ гуфт:

- Гузаштан ба нақлиëти барқӣ барои Тоҷикистон амали мантиқӣ аст. Ҳар сол ба кишвари мо аз хориҷа бо маблағи аз 800 млн. то 1 миллиард доллар маводи сӯзишворӣ ворид мегардад. Дар ҳоле ки зарфиятҳои истеҳсоли барқиямон хело зиëд аст. Аз ин сабаб, мо “Барномаи рушди нақлиëти барқӣ барои солҳои 2023-2027" - ро таҳия намуда, барои рушди ин соҳа корҳо бурда истодаем. Дар фурсати кутоҳ барномаро омода карда, ба Ҳукумати кишвар барои баррасӣ пешниҳод менамоем.

Номбурда дар идома гуфт, дар барнома оварда шудааст, ки барои безараргардонӣ ва аз маконҳои сӯзишворӣ ба нақлиëтҳо пур кардани барқ аз ҷониби Вазорати молия маблағи муайян ҷудо карда мешавад.

Зуҳро РИЗОЗОДА, "ҶТ"