ҶОМЕА
Сешанбе 23 Апрел 2024 08:06
Имрӯз дар гирду атрофи пойтахти кишварамон, шаҳри Душанбе партовҳои зиёдеро мушоҳида кардан мумкин аст, ки ҳусни пойтахтамонро коста мегардонад.
Пойтахт симои ҳар як давлат ба ҳисоб меравад. Душанбе, ки пойтахти азизи кишварамон Тоҷикистон мебошад, метавон онро дили Тоҷикистон ва муаррифгари фарҳангу маданияти тоҷикон номид, зеро ҳар як сайёҳ аввал аз он дидан мекунад. Тамоми бошандагони шаҳрамон бояд барои тозагии қалби Тоҷикистон, бетараф набошанд. Атрофи хонаҳои худро аз партовҳо тоза нигаҳ доранду ба ин васила шаҳрамонро ба ҷаҳониён ҳамчун як шаҳри тоза ва дилфиреб муаррифӣ созанд. Мақсад аз ин гуфтаҳо партовҳое мебошад, ки ҳамарӯза чашмрасандаву табъхиракунандаанд. Бархе аз бошандагони пойтахтамон бо дасти худ шаҳрамонро бо партовҳо ифлос мекунанд, партовҳояшонро дар қуттиҳои партов не, балки берун аз он мепартоянд, ки ин албатта табъи мардумро хира менамояд.
Сабаб чист, ки бархе аз сокинон партовҳои худро дар қуттиҳои партов нею берун аз он мепартоянд? Оё мақомотҳои дахлдор корҳои фаҳмондадиҳиро дар ин самт гузаронидаанд ё не? Ин ҳама суолҳоест, ки ба пуррагӣ ҳаллу фасли худро мехоҳанд.
Дар робита ба ин мавзӯъ Амирзода Абдухолиқ, директори Маркази назорати давлатии санитарию эпидемиологии шаҳри Душанбе чунин ибрози андеша намуд: “Баровардани партовҳо имрӯз дар як ҳолати муътадил қарор дорад. Имрӯзҳо техникаҳои махсуси партовкашӣ мавҷуд буда, тамоми партовҳои сахти маишӣ сари вақт бароварда мешаванд. Ҳоло тавассути техникаҳои мавҷуда партовҳоро сари вақт бурда, ба ҷойҳои муайяншуда мепартоянд. Аммо бо вуҷуди ин ҳама талошу корҳо баъзан мавридҳо партовҳоро дар шафати роҳ ва назди биноҳо ва умуман дар дохили партов нею берун аз он дидан мумкин аст. Барои ин дар соли 2019, 2752 санҷиш оид ба риояи қоидаҳои гигиению санитарӣ аз тарафи Маркази назорати давлатии санитарию эпидемиологии шаҳри Душанбе гузаронида шуд ва мо дар шаҳраку маҳаллаҳо вохӯрӣ гузаронида, ба мардум оид ба масъалаҳои риояи гигиенаи шахсӣ, риояи ҳолатҳои санитарию гигиенӣ ва дуруст интиқол додани партовҳои сахти маишӣ корҳои фаҳмондадиҳӣ гузаронидем”.
Бо вуҷуди ин, ҳама корҳои фаҳмондадиҳӣ барои риояи қоидаҳои гигиению санитарӣ кам нестанд нафароне, ки қоидаро вайрон мекунанд ва шаҳрамонро ифлос месозанд.
Амирзода Абдухолиқ бар он назар аст, ки яке аз сабабҳои чунин ифлос будани гирду атрофи шаҳр ин беназоратии волидайн аст, ки партовҳоро ба дасти фарзандонашон медиҳанд, ки ба ҷойи дуруст бурда намепартоянд.
“Сабабҳо гуногун аст, лекин яке аз сабабҳои чунин ифлосиҳо, беназоратии падару модарон мебошад. Волидон партовҳои худро ба фарзандонашон медиҳанд, ки онҳо дар ҷойҳои муқарраргардида партовҳоро намепартоянд. Аз ин рӯ, сабаби асосии партовҳои назди кӯчаву хиёбонҳои пойтахт бештар маҳз аз беназоратии волидон мегардад”,- иброз дошт мавсуф.
Нодида гирифтани рушди маърифати экологии сокинони пойтахт нишонаи хирад нест ва имрӯз метавон гуфт, ки фарҳанги шаҳрнишинӣ миёни бошандагони пойтахт хеле боло рафтааст. Бояд ҳар як сокини Душанбе дарк намояд, ки пойтахт қалби Тоҷикистон аст ва барои ин қалбро тоза нигоҳ доштан кӯшишҳо кардан лозим, то ки тамоми Тоҷикистони маҳбубамон тозаву озода бошад.
Атрофи ин мавзӯъ раиси Кумитаи ҳифзи муҳити зисти назди Ҳукумати Ҷумҳурии Тоҷикистон, Гулмаҳмадзода Давлатшоҳ Қурбоналӣ зимни нишасти хабарӣ иброз намуд, ки сокинони шаҳр дидаву дониста атрофи шаҳрро ифлос мекунанд. “Шаҳрванд худаш гунаҳкор аст, дидаю дониста атрофи худро ифлос мекунад. Бархе аз шаҳрнишинон бо вуҷуди ин ҳама таъкидҳо партовҳои худро аз пешайвони хонаҳои истиқоматии хеш мепартоянд. Тоҷикистон ватани азизи ҳар яки мо ҳаст ва ин гуна нест, ки як нафар партов партояду каси дигар ҷамъ кунад. Бояд ҳама донад ва дарк кунад, ки тартибу низом ба ҳама як хел рабт дорад,” – гуфт Гулмаҳмадзода Давлатшоҳ Қурбоналӣ.
Кумитаи ҳифзи муҳити зисти назди Ҳукумати Ҷумҳурии Тоҷикистон барои баланд бардоштани маърифати экологии шаҳрвандонамон пайваста талош мекунад ва вобаста ба ин масъала кумитаи мазкур ва дигар мақомотҳои дахлдор нишасту чорабиниҳои оммавиро доир менамоянд. Имрӯз моро мебояд, ки сари масъалаи тозагии муҳити атрофи хеш андешаи хирадмандона намуда, дар вақт ва ҷойҳои муайяншуда партовҳои худро партоем.
Танҳо мо шаҳрамонро аз партовҳо тоза карда метавонем, на каси дигар. Мо бояд бо як фарҳанги баланди шаҳрнишинӣ ба ин масъала таваҷҷуҳи хоса зоҳир намоем ва бо ин васила ҷалби сайёҳонро ба пойтахтамон - шаҳри Душанбе ва умуман ба тамоми минтақаҳои Тоҷикистон зиёд гардонем. Ҳар як сокини шаҳр вазифадор аст, ки атрофи худро тозаву озода нигаҳ дорад. Мо чаро мақомотҳои дахлдорро гунаҳкор кунем? Оё боре худро гунаҳкор ҳисобидаем? Кӣ гунаҳкор? Ин суолҳоест, ки хонандагони азиз ҷавобаш дар дасти шумост.
Пойтахт симои ҳар як давлат ба ҳисоб меравад. Душанбе, ки пойтахти азизи кишварамон Тоҷикистон мебошад, метавон онро дили Тоҷикистон ва муаррифгари фарҳангу маданияти тоҷикон номид, зеро ҳар як сайёҳ аввал аз он дидан мекунад. Тамоми бошандагони шаҳрамон бояд барои тозагии қалби Тоҷикистон, бетараф набошанд. Атрофи хонаҳои худро аз партовҳо тоза нигаҳ доранду ба ин васила шаҳрамонро ба ҷаҳониён ҳамчун як шаҳри тоза ва дилфиреб муаррифӣ созанд. Мақсад аз ин гуфтаҳо партовҳое мебошад, ки ҳамарӯза чашмрасандаву табъхиракунандаанд. Бархе аз бошандагони пойтахтамон бо дасти худ шаҳрамонро бо партовҳо ифлос мекунанд, партовҳояшонро дар қуттиҳои партов не, балки берун аз он мепартоянд, ки ин албатта табъи мардумро хира менамояд.
Сабаб чист, ки бархе аз сокинон партовҳои худро дар қуттиҳои партов нею берун аз он мепартоянд? Оё мақомотҳои дахлдор корҳои фаҳмондадиҳиро дар ин самт гузаронидаанд ё не? Ин ҳама суолҳоест, ки ба пуррагӣ ҳаллу фасли худро мехоҳанд.
Дар робита ба ин мавзӯъ Амирзода Абдухолиқ, директори Маркази назорати давлатии санитарию эпидемиологии шаҳри Душанбе чунин ибрози андеша намуд: “Баровардани партовҳо имрӯз дар як ҳолати муътадил қарор дорад. Имрӯзҳо техникаҳои махсуси партовкашӣ мавҷуд буда, тамоми партовҳои сахти маишӣ сари вақт бароварда мешаванд. Ҳоло тавассути техникаҳои мавҷуда партовҳоро сари вақт бурда, ба ҷойҳои муайяншуда мепартоянд. Аммо бо вуҷуди ин ҳама талошу корҳо баъзан мавридҳо партовҳоро дар шафати роҳ ва назди биноҳо ва умуман дар дохили партов нею берун аз он дидан мумкин аст. Барои ин дар соли 2019, 2752 санҷиш оид ба риояи қоидаҳои гигиению санитарӣ аз тарафи Маркази назорати давлатии санитарию эпидемиологии шаҳри Душанбе гузаронида шуд ва мо дар шаҳраку маҳаллаҳо вохӯрӣ гузаронида, ба мардум оид ба масъалаҳои риояи гигиенаи шахсӣ, риояи ҳолатҳои санитарию гигиенӣ ва дуруст интиқол додани партовҳои сахти маишӣ корҳои фаҳмондадиҳӣ гузаронидем”.
Бо вуҷуди ин, ҳама корҳои фаҳмондадиҳӣ барои риояи қоидаҳои гигиению санитарӣ кам нестанд нафароне, ки қоидаро вайрон мекунанд ва шаҳрамонро ифлос месозанд.
Амирзода Абдухолиқ бар он назар аст, ки яке аз сабабҳои чунин ифлос будани гирду атрофи шаҳр ин беназоратии волидайн аст, ки партовҳоро ба дасти фарзандонашон медиҳанд, ки ба ҷойи дуруст бурда намепартоянд.
“Сабабҳо гуногун аст, лекин яке аз сабабҳои чунин ифлосиҳо, беназоратии падару модарон мебошад. Волидон партовҳои худро ба фарзандонашон медиҳанд, ки онҳо дар ҷойҳои муқарраргардида партовҳоро намепартоянд. Аз ин рӯ, сабаби асосии партовҳои назди кӯчаву хиёбонҳои пойтахт бештар маҳз аз беназоратии волидон мегардад”,- иброз дошт мавсуф.
Нодида гирифтани рушди маърифати экологии сокинони пойтахт нишонаи хирад нест ва имрӯз метавон гуфт, ки фарҳанги шаҳрнишинӣ миёни бошандагони пойтахт хеле боло рафтааст. Бояд ҳар як сокини Душанбе дарк намояд, ки пойтахт қалби Тоҷикистон аст ва барои ин қалбро тоза нигоҳ доштан кӯшишҳо кардан лозим, то ки тамоми Тоҷикистони маҳбубамон тозаву озода бошад.
Атрофи ин мавзӯъ раиси Кумитаи ҳифзи муҳити зисти назди Ҳукумати Ҷумҳурии Тоҷикистон, Гулмаҳмадзода Давлатшоҳ Қурбоналӣ зимни нишасти хабарӣ иброз намуд, ки сокинони шаҳр дидаву дониста атрофи шаҳрро ифлос мекунанд. “Шаҳрванд худаш гунаҳкор аст, дидаю дониста атрофи худро ифлос мекунад. Бархе аз шаҳрнишинон бо вуҷуди ин ҳама таъкидҳо партовҳои худро аз пешайвони хонаҳои истиқоматии хеш мепартоянд. Тоҷикистон ватани азизи ҳар яки мо ҳаст ва ин гуна нест, ки як нафар партов партояду каси дигар ҷамъ кунад. Бояд ҳама донад ва дарк кунад, ки тартибу низом ба ҳама як хел рабт дорад,” – гуфт Гулмаҳмадзода Давлатшоҳ Қурбоналӣ.
Кумитаи ҳифзи муҳити зисти назди Ҳукумати Ҷумҳурии Тоҷикистон барои баланд бардоштани маърифати экологии шаҳрвандонамон пайваста талош мекунад ва вобаста ба ин масъала кумитаи мазкур ва дигар мақомотҳои дахлдор нишасту чорабиниҳои оммавиро доир менамоянд. Имрӯз моро мебояд, ки сари масъалаи тозагии муҳити атрофи хеш андешаи хирадмандона намуда, дар вақт ва ҷойҳои муайяншуда партовҳои худро партоем.
Танҳо мо шаҳрамонро аз партовҳо тоза карда метавонем, на каси дигар. Мо бояд бо як фарҳанги баланди шаҳрнишинӣ ба ин масъала таваҷҷуҳи хоса зоҳир намоем ва бо ин васила ҷалби сайёҳонро ба пойтахтамон - шаҳри Душанбе ва умуман ба тамоми минтақаҳои Тоҷикистон зиёд гардонем. Ҳар як сокини шаҳр вазифадор аст, ки атрофи худро тозаву озода нигаҳ дорад. Мо чаро мақомотҳои дахлдорро гунаҳкор кунем? Оё боре худро гунаҳкор ҳисобидаем? Кӣ гунаҳкор? Ин суолҳоест, ки хонандагони азиз ҷавобаш дар дасти шумост.
Хабарҳои дигар
Рӯзнома
Эзоҳи худро нависед